Diksha Divas: ఇవాళ గులాబీ పార్టీ మరో కీలక కార్యక్రమాన్ని చేపట్టింది. నేడు తెలంగాణ వ్యాప్తంగా దీక్షా దివస్ నిర్వహించనున్నారు. ఈ మేరకు అన్ని ఏర్పాట్లు చేశారు. సమైక్య రాష్ట్ర సంకెళ్లను తెంచి, తెలంగాణ విముక్తి కోసం ఆమరణ దీక్షతో ఉద్యమ నేత కల్వకుంట్ల చంద్రశేఖర్ రావు చరిత్రను మలుపు తిప్పిన రోజు నవంబర్ 29, 2009 అని అందుకే దీక్ష దివాస్ జరుపుకుంటున్నట్లు బిఆర్ఎస్ పార్టీ నేతలు చెబుతున్నారు.
ఈ తరుణంలోనే ఉదయం 8 గంటలకు హైదరాబాద్ నుంచి కరీంనగర్ బయలుదేరుతారు బీఆర్ఎస్ పార్టీ వర్కింగ్ ప్రెసిడెంట్ కేటీఆర్. ఉదయం 10:30 గంటలకు మానకొండూర్ నియోజకవర్గం, తిమ్మాపూర్ LMD ఇరిగేషన్ ఆఫీసు వద్ద అమరవీరుల స్థూపానికి నివాళులు అర్పిస్తారు. అనంతరం బైక్ ర్యాలీతో అలుగునూరు చౌరస్తా చేరుకుంటారు. ఉదయం 11 గంటలకు అలుగునూరు చౌరస్తాలో కేసీఆర్ చిత్ర పటానికి పాలాభిషేకం లో పాల్గొ0టారు. ఉదయం 11:30 గంటలకు దీక్షదివాస్ 2009 నవంబర్ 29న కేసీఆర్ గారు ఆమరణ నిరాహార దీక్ష ప్రారంభించిన రోజు కార్యక్రమంలో భాగంగా కరీంనగర్ లోని అలుగునూర్ లో ఏర్పాటు చేసిన బహిరంగ సభలో పాల్గొంటారు.
