బాలీవుడ్ నటి ఊర్వశీ రౌతేలా ప్రధానపాత్రలో.. దర్శకుడు మోహన్ భరద్వాజ్ తెరకెక్కిస్తున్న చిత్రం ‘బ్లాక్ రోజ్’. దర్శకుడు సంపత్ నంది రచనలో రూపొందుతున్న ఈ చిత్రాన్ని.. శ్రీనివాసా సిల్వర్స్క్రీన్ పతాకంపై శ్రీనివాసా చిట్టూరి నిర్మిస్తున్నారు. కొవిడ్ బారిన పడకుండా అన్ని రకాల రక్షణ చర్యలు తీసుకుని చిత్రీకరణ ప్రారంభించినట్లు నిర్మాత తెలిపారు.
దర్శకుడు సంపత్ నంది మాట్లాడుతూ..”షేక్స్పియర్ రచించిన ‘ద మర్చంట్ ఆఫ్ వెనిస్’లోని షైలాక్ పాత్ర ఆధారంగా మహిళా ప్రధానంగా ఈ సినిమా తెరకెక్కుతోంది. ‘విచక్షణ, యోగ్యత లేని ఆర్థిక లావాదేవీలు మరణానికి సంకేతం’ అనే కౌటిల్యుడి అర్థశాస్త్రంలోని సూత్రాన్ని జోడిస్తూ ఈ సినిమాను నిర్మిస్తున్నాం” అంటూ చెప్పుకొచ్చారు.ఈ చిత్రానికి మణిశర్మ సంగీతాన్ని అందిస్తుండగా.. కళాదర్శకుడిగా ఆచార్య సత్యనారాయణ వ్యవహరిస్తున్నారు
