వకీల్ సాబ్ ప్రీ రిలీజ్ ఈవెంట్ లైవ్ వ్యూస్ తో రికార్డులు బద్దలు

-

పవర్ స్టార్ పవన్ కళ్యాణ్ నటించిన వకీల్ సాబ్ ప్రీ-రిలీజ్ ఈవెంట్ నిన్న జరిగిన సంగతి తెలిసిందే. నిన్న ఈ ఈవెంట్ శిల్ప కళా వేదికలో జరిగింది. ఇప్పుడు ఈ ఈవెంట్ టాలీవుడ్ చరిత్రలోనే అత్యధికంగా వీక్షించిన లైవ్ స్ట్రీమింగ్ ఈవెంట్ గా రికార్డు సృష్టించింది. 1.30 లక్షల మందికి పైగా ఈ ఈవెంట్‌ను యూట్యూబ్‌లో ప్రత్యక్ష ప్రసారం చేశారు. పవన్ కళ్యాణ్ చివరి మూవీ అజ్ఞాతవాసి ఈవెంట్ ను 1.28 లక్షల మంది లైవ్ ఈవెంట్‌ ను చూడగా ఈసారి పవన్ సినిమా రికార్డును మళ్ళీ పవనే బద్దలు కొట్టాడు. 

సాధారణంగా, ఇలాంటి ఈవెంట్‌లకు ప్రత్యేక అతిథులు ఉంటారు. అయితే, వకీల్ సాబ్ కార్యక్రమానికి ప్రత్యేక అతిథులు లేరు. ఈ సినిమా నటీనటులు, యూనిట్ మినహా, సినీ పరిశ్రమకు చెందిన కొంతమంది శ్రేయోభిలాషులు ఈ ఈవెంట్ లో పాల్గొన్నారు. ఈ కార్యక్రమానికి నిర్మాతలు బండ్ల గణేష్, ఎ.ఎం.రత్నం, నవీన్ యెర్నేని, మరికొందరు దర్శకులు క్రిష్ జాగర్లమూడి, సాగర్ కె చంద్ర, హరీష్ శంకర్ వంటి దర్శకులు హాజరయ్యారు. వేణు శ్రీరామ్ దర్శకత్వం వహించిన వకీల్ సాబ్ ఈ నెల 9 న తెరపైకి వస్తుంది.

Read more RELATED
Recommended to you

Latest news