ప్రస్తుతం ఎక్కడ చూసినా విజయ్ దేవరకొండ నటించిన లైగర్ సినిమా గురించి వినిపిస్తోంది. ఇక ఈ సినిమాను పూరి జగన్నాథ్ , కరణ్ జోహార్ సంయుక్తంగా నిర్మిస్తున్నారు. ఈ సినిమాకు పూర్తిస్థాయిలో దేశవ్యాప్తంగా బజ్ ఏర్పడిందని చెప్పవచ్చు. ఆగస్టు 25వ తేదీన ప్రేక్షకుల ముందుకు రానున్న ఈ చిత్రం కోసం లైగర్ టీం జోరుగా ప్రచారం చేపట్టింది. ఇక ఈ క్రమంలోనే సౌత్ లో కూడా అనేక చోట్ల ప్రమోషన్స్ లో పాల్గొంటున్నారు చిత్రం యూనిట్. ఇక తాజా గా విజయ్ దేవరకొండ ను మీడియా వాళ్ళు పలు ప్రశ్నలు అడగడం జరిగింది. ఆ ప్రశ్నలకు విజయ్ చాలా సింపుల్ గా సమాధానాలు ఇస్తూ వచ్చారు. ఇక అందులో భాగంగానే స్టార్ కిడ్స్ ని మాత్రమే లాంచ్ చేసే కరణ్ జోహార్ మీకెందుకు అవకాశం ఇచ్చారు? అని ఒక రిపోర్టర్ అడిగిన ప్రశ్నకు విజయ్ దేవరకొండ ఊహించని రీతిలో సమాధానం ఇచ్చారు.
విజయ్ దేవరకొండ మాట్లాడుతూ.. కరణ్ చాలామంది స్టార్ కిడ్స్ ని వెండితెరకు పరిచయం చేశారు. స్టూడెంట్ ఆఫ్ ది ఇయర్ సినిమాలో వరుణ్ ధావన్, ఆలియాతో పాటు సిద్ధార్థ మల్హోత్రా అనే కొత్త వ్యక్తిని కూడా పరిచయం చేయడం జరిగింది. ఇక ఇదే సినిమాలో మరొక కొత్త అమ్మాయిని కూడా కరణ్ జోహార్ లాంచ్ చేశారు కరణ్ జోహార్ ఏ సినిమా చేసినా అందులో కొత్తవాళ్లు కచ్చితంగా ఉంటారు. అలా ఆయన ప్రస్తుతం తీస్తున్న మరొక సినిమాలో ఒక స్టార్ ఫ్యామిలీ అమ్మాయి తో పాటు ఇద్దరు కొత్త యువకులను కూడా పరిచయం చేయబోతున్నారు.
అంతేకాదు ఆయన సర్కిల్లో ఉండే వారి పిల్లలను కూడా వెండితెరకు పరిచయం చేస్తుంటారు. అర్జున్ రెడ్డి సినిమా విడుదలైన తర్వాత కరణ్ జోహార్ నాతో మాట్లాడటం జరిగింది. ఆ సినిమాతో పాటు అందులో నా నటన ఆయనకు బాగా నచ్చింది.. ఇక నాకు ఎప్పుడైనా హిందీలో సినిమా చేయాలనిపిస్తే.. ఆయనకు నాతో చేయాలని ఉంది అని అన్నారు. ఆ సమయంలో నేను హిందీ సినిమాలో నటించేందుకు రెడీగా ఉండేవాణ్ణి కాదు .
ఈ క్రమంలో లైగర్ సినిమాను హిందీలో చేయాలనుకున్నప్పుడు ఆయనకు ఆ విషయం తెలియజేసాము. ఇక కథ వినకుండానే సినిమా చేయడానికి ఒప్పుకున్నారు. కానీ మేమే ఒకసారి కథ వినిపించాము.. ఆయన ఎప్పుడూ నా ఆర్థిక , కుటుంబ నేపథ్యం గురించి అడగలేదు . కేవలం నన్ను ఒక నటుడిగా మాత్రమే స్వీకరించాడు. ప్రతిభను మెచ్చిట్ సినిమా చేయడానికి ముందుకు వచ్చారు అంటూ రౌడీ హీరో క్లారిటీ ఇచ్చారు.
