ఇండియా స్టార్ క్రికెటర్ విరాట్ కోహ్లీ కెప్టెన్సీ నిర్ణయం మాజీలు పలు రకాలు స్పందిస్తున్నారు. కొంతమంది కెప్టెన్ గా ఒత్తడి ఎదుర్కొంటుండటంతో విరాట్ తన స్థాయికి తగ్గట్లు ఆడలేకపోతున్నారని పలువురు మాజీలు అభిప్రాయపడుతున్నారు. బీసీసీఐ కూడా విరాట్ కెప్టెన్సీ నుంచి తప్పుకోవడం అతని వ్యక్తిగత విషయం అని.. విరాట్ కెరీర్ బాగా సాగాలని కోరుకున్నారు.
ఇదిలా ఉంటే సహచర ఆటగాడు వన్డే కెప్టెన్ రోహిత్ శర్మ కూడా విరాట్ కోహ్లీ టెస్ట్ కెప్టెన్సీ నుంచి తప్పుకోవడంపై స్పందించారు. కోహ్లీ నిర్ణయం తనకు షాక్ గురి చేసిందని రోహిత్ శర్మ అన్నారు. కెప్టెన్ గా భారత జట్టును విజయవంతంగా నడిపించినందుకు ధన్యవాదాలు తెలియజేశాడు. విరాట్ భవిష్యత్తు అద్భుతంగా ఉండాలని కోరకున్నాడు రోహిత్ శర్శ. ఇద్దరు కలిసి ఉన్న ఫోటోను షేర్ చేశాడు రోహిత్ శర్మ.
రోహిత్ శర్మ, విరాట్ కోహ్లీల మధ్య భేదాభిప్రాయాలు ఉన్నాయనే వార్తలు వచ్చాయి. అయితే ప్రస్తుతం చేసిన ట్విట్ వీరిద్దరి మధ్య మంచి సంబంధాలే ఉన్నాయని రుజువు చేస్తోంది.
