ఈ మధ్యకాలంలో ఎక్కువ ఆన్లైన్ లో మోసాలు జరుగుతున్నాయి. అకౌంట్ ని హ్యాక్ చేయడం వంటివి చేస్తున్నారు. ఇక అటు దేశంలో ఇటీవల ట్విట్టర్ హ్యాకింగ్ ఘటనలు కలకలం రేపుతున్నాయి. అయితే తాజాగా.. ఏపీ అధికార పార్టీ వైసీపీ అకౌంట్ హ్యాక్ అయింది.
కొంతమంది దుండగులు అధికార పార్టీ వైసిపి ట్విట్టర్ ప్రొఫైల్ , అలాగే కవర్ ఫోటోను మార్చేశారు. అధికార పార్టీ వైసీపీకి ఎలాంటి సంబంధం లేని కృప కమ్యూనిటీ పోస్టులను రీట్వీట్ చేస్తున్నారు సైబర్ నేరగాళ్లు. అయితే ఈ వ్యవహారంపై వైసీపీ నేతలు ఇంకా స్పందించలేదు. దీనిపై మరికాసేపట్లోనే స్పందించే అవకాశం ఉంది. కొన్ని రోజుల కిందట టిడిపి ట్విట్టర్ అకౌంట్ కూడా హ్యాక్ అయిన సంగతి తెలిసిందే.
