సాధార‌ణంగా మ‌నం జీమెయిల్‌కు చెందిన పాస్‌వ‌ర్డ్‌ను మ‌ర్చిపోతే ఏం చేస్తాం ? సెకండ‌రీ ఈ-మెయిల్ లేదా ఫోన్ నంబ‌ర్‌, సెక్యూరిటీ ప్ర‌శ్న‌ల స‌హాయంతో పాస్‌వ‌ర్డ్‌ను రీసెట్ చేస్తాం. కొత్త పాస్‌వ‌ర్డ్‌ను పెట్టుకుంటాం. అయితే ఈ మార్గాలు ఏవీ సాధ్యం కాక‌పోతే ఇక జీమెయిల్‌కు తూర్పు తిరిగి దండం పెట్టాల్సిందే. కొత్త మెయిల్ ఐడీని క్రియేట్ చేసుకోవాల్సి ఉంటుంది. కానీ ఆ వ్య‌క్తి మాత్రం ఏకంగా గూగుల్ సీఈవో సుంద‌ర్ పిచాయ్‌కే ఈ విష‌య‌మై ట్వీట్ చేశాడు.
మాధ‌న్ అనే వ్య‌క్తి త‌న జీమెయిల్ పాస్‌వ‌ర్డ్ మర్చిపోయాన‌ని, రీసెట్ చేసేందుకు స‌హాయం చేయాల‌ని గూగుల్ సీఈవో సుంద‌ర్ పిచాయ్‌కు ట్వీట్ చేశాడు. భార‌త్‌లో కోవిడ్ ఉధృతి నేప‌థ్యంలో గూగుల్ రూ.135 కోట్లు స‌హాయం అందిస్తుంద‌ని పిచాయ్ ట్వీట్ చేయ‌గా, మాధ‌న్ ఆ ట్వీట్‌కు రిప్లై ఇస్తూ పైన తెలిపిన విధంగా స‌హాయం అడిగాడు.
Devastated to see the worsening Covid crisis in India. Google & Googlers are providing Rs 135 Crore in funding to @GiveIndia, @UNICEF for medical supplies, orgs supporting high-risk communities, and grants to help spread critical information.https://t.co/OHJ79iEzZH
— Sundar Pichai (@sundarpichai) April 26, 2021
అయితే అందుకు పిచాయ్ స్పందించ‌లేదు. కానీ మాధ‌న్ పెట్టిన పోస్టు మాత్రం వైర‌ల్ అయింది. నెటిజ‌న్లు దీనికి ఫన్నీగా స్పందిస్తున్నారు. ప్ర‌స్తుతం కోవిడ్ ఉంది క‌దా, దాని ప్ర‌భావం త‌గ్గాక పిచాయ్ హెల్ప్ చేస్తారులే అని చాలా మంది కామెంట్లు చేశారు. ఇక గూగుల్ మాత్ర‌మే కాదు, అనేక సాఫ్ట్‌వేర్ కంపెనీలు ప్ర‌స్తుతం భార‌త్‌కు స‌హాయం చేసేందుకు ముందుకు వ‌స్తున్నాయి.
