వాట్సాప్ యూజ‌ర్ల‌పై కొత్త మాల్‌వేర్ అటాక్‌.. జాగ్ర‌త్త‌గా ఉండాల‌ని నిపుణుల హెచ్చ‌రిక‌..

-

ప్ర‌ముఖ ఇన్‌స్టంట్ మెసేజింగ్ యాప్ వాట్సాప్‌కు చెందిన యూజ‌ర్ల అకౌంట్ల‌పై ఓ సరికొత్త మాల్‌వేర్ దాడి చేస్తోంది. యూజ‌ర్ల ఫోన్ల‌లో ఆ మాల్‌వేర్ ఓ యాప్ రూపంలో ఇన్‌స్టాల్ అవుతుంది. అనంత‌రం యూజ‌ర్ అనుమ‌తి లేకుండానే యూజ‌ర్ ఫోన్‌లోని కాంటాక్ట్‌ల‌కు ఆటోమేటిగ్గా రిప్లైలు ఇస్తుంటుంది. ఈ మాల్‌వేర్‌ను ఎసెట్ కంపెనీకి చెందిన సెక్యూరిటీ నిపుణులు గుర్తించారు.

new type of malware is attacking whatsapp users

వాట్సాప్ యూజ‌ర్లకు ప్ర‌స్తుతం ఒక మెసేజ్ వ‌స్తోంది. అందులో ఉన్న లింక్‌ను క్లిక్ చేస్తే ఫోన్‌ను గెలుచుకోవ‌చ్చు అని ఉంటుంది. దీంతో స‌హ‌జంగానే యూజ‌ర్లు ఆ లింక్‌ను క్లిక్ చేస్తున్నారు. ఈ క్ర‌మంలో గూగుల్ ప్లే స్టోర్‌ను పోలిన ఓ స్టోర్ యూజ‌ర్ల ఎదుట ప్ర‌త్య‌క్ష‌మ‌వుతుంది. అందులో ఓ యాప్ ను డౌన్‌లోడ్ చేసుకోవాల‌ని సూచిస్తుంది. యూజ‌ర్ ఆ యాప్‌ను డౌన్‌లోడ్ చేసుకుని దానికి అన్ని ప‌ర్మిష‌న్లు ఇవ్వ‌గానే యూజ‌ర్‌కు చెందిన ఫోన్‌లోని వాట్సాప్ కాంటాక్ట్‌ల‌కు ఆటోమేటిగ్గా ఆ యాప్ రిప్లైల‌ను పంపిస్తుంటుంది. ఆ రిప్లైలోనూ యూజ‌ర్‌కు వ‌చ్చిన‌ట్లుగానే మొబైల్ ఫోన్ గెలుచుకోవ‌చ్చ‌ని లింక్ ఉంటుంది.

అయితే ఇలాంటి లింక్స్ ఏ యూజ‌ర్ల‌కు అయినా వ‌స్తే ఏమాత్రం వాటిపై క్లిక్ చేయ‌వ‌ద్ద‌ని, అప్ర‌మ‌త్తంగా ఉండాల‌ని సెక్యూరిటీ నిపుణులు సూచిస్తున్నారు. వాట్సాప్‌లో యూజ‌ర్ల‌కు క్విక్ రిప్లై అనే ఫీచ‌ర్ అందుబాటులో ఉంది. దీని స‌హాయంతో యూజ‌ర్లు వాట్సాప్ మెసేజ్‌ల‌కు నోటిఫికేష‌న్ల నుంచే రిప్లై ఇవ్వ‌వ‌చ్చు. అయితే ఈ ఫీచ‌ర్‌పైనే స‌ద‌రు మాల్‌వేర్ అటాక్ చేస్తుంద‌ని నిపుణులు గుర్తించారు. క‌నుక యూజర్ల‌కు పైన తెలిపిన లాంటి లింక్‌ల‌తో కూడిన మెసేజ్ లు వ‌స్తే క్లిక్ చేయ‌కూడ‌ద‌ని నిపుణులు హెచ్చ‌రిస్తున్నారు.

Read more RELATED
Recommended to you

Latest news