ఇండ‌స్ట్రీలో ట్యాలెంట్ ఉంటే ఎవ‌రి స‌పోర్టు లేకున్నా రాణించ‌వ‌చ్చు అన్న విష‌యాన్ని ఇప్ప‌టికే ఎంతో మంది నిరూపించారు. ఇదే కోవ‌లో న‌టుడు న‌వీన్ పోలిశెట్టి(Naveen Polishetty) కూడా ఏజెంట్ సాయి శ్రీనివాస ఆత్రేయ మూవీతో మంచి హిట్ కొట్టి ఆ త‌ర్వాత త‌న ట్యాలెంట్ ఏంటో నిరూపించుకున్నాడు. ఇక లేటెస్టుగా వ‌చ్చిన జాతిరత్నాలు ఎంత పెద్ద సంచ‌ల‌నంగా మారిందో అంద‌రికీ తెలిసిందే.
అయితే ఈ యంగ్ హీరో ఫ్యూచ‌ర్‌పై పక్కా ప్లాన్‌తో ముందుకు వెళ్తున్నాడు. మొద‌ట్లో చిన్న సినిమాల ద్వారా న‌టుడిగా ఎంట్రీ ఇచ్చి.. ఆ త‌ర్వాత ప్లాన్ వేసుకుంటూ హీరోగా ఎలా అయితే ఎదిగాడో.. ఇపుడు కూడా స్టార్ హీరో అయ్యేందుకు అన్ని రకాలుగా ప్లాన్ చేసుకుంటున్నాడు.
ఇక త‌న ఫ్యూచ‌ర్ సినిమాల గురించి క్లారిటీ ఇచ్చాడు ఈ యంగ్ హీరో. ట్విట్టర్ వేదికగా తాను చేయ‌బోయే ప్రాజెక్టుల‌పై అప్ డేట్ ఇచ్చాడు ఈ హీరో.ప్ర‌స్తుతం మూడు సినిమాలకు సంబంధించిన స్క్రిప్ట్ వర్క్ జరుగుతుంద‌ని, త్వ‌ర‌లోనే వాటి మీద ప్రకటన చేస్తాన‌ని స్ప‌ష్టం చేశారు. కాగా ఆయ‌న పెద్ద నిర్మాణ సంస్థ‌లు అయిన యూవీ క్రియేషన్స్ తో పాటు GMB ఎంటర్ టైన్‌మెంట్స్ ల‌లో న‌టించే అవ‌కాశం ఉంద‌ని తెలుస్తోంది. చూడాలి మ‌రి ఆయ‌న వేటిల్లో న‌టిస్తారో.
