అమరావతి : టిడ్కోతో జగన్‌ సర్కార్‌ ఓ ఒప్పందం కుదుర్చుకుంది. ఆంధ్ర ప్రదేశ్‌ రాష్ట్రం లో ఇళ్ల నిర్మాణం కోసం ఏపీ టిడ్కో తీసు కోనున్న రూ. 5990 కోట్ల బ్యాంకు రుణానికి హామీ ఇచ్చేందుకు ఏపీ ప్రభుత్వం అంగీకారం తెలిపింది. ప్రధాన మంత్రి ఆవాస్ యోజన – వైఎస్ఆర్ జగనన్న నగర్లలో మౌలిక సదుపాయాల కల్పన కింద రూ. 5990 కోట్ల రుణం తీసుకోనుంది ఏపీ టిడ్కో.
2,16,262 ఇళ్ల నిర్మాణం తో పాటు రహదారులు, డ్రెయినేజీల లాంటి మౌలిక సదుపాయాల కల్పన కోసం రుణం తీసుకోనుంది ఏపీ టిడ్కో. ఈ మొత్తాన్ని బ్యాంకులు, ఆర్ధిక సంస్థల నుంచి రుణంగా తీసుకునేందుకు ప్రభుత్వం హామీ ఇచ్చేందుకు అంగీకారం తెలిపింది.
ఈ మొత్తాన్ని ఏడాదిలోగా వినియోగించు కోవాల్సిందిగా ఏపీ టిడ్కోకు సూచించింది జగన్‌ ప్రభుత్వం. రుణం తీసుకున్న కాలానికి ప్రభుత్వం హామీ ఉంటుందని స్పష్టం చేసింది. హామీ ఇచ్చిన మొత్తానికి రెండు శాతం కమిషనుగా చెల్లించాలని జగన్‌ ప్రభుత్వం సూచించింది.
