తెలంగాణ రాష్ట్ర వ్యాప్తంగా బీజేపీ రాష్ట్ర అధ్యక్షుడు బండి సంజయ్ పాదయాత్ర నిర్వహించాలని నిర్ణయం తీసుకున్న విషయం తెలిసిందే. అయితే.. బీజేపీ రాష్ట్ర అధ్యక్షుడు బండి సంజయ్ నిర్వహించే.. ఈ పాదాయాత్ర పేరును కాసేపటి క్రితమే ప్రకటించింది రాష్ట్ర బీజేపీ.
భాగ్యలక్ష్మి అమ్మవారి దేవాలయం లో పూజలు చేసి… “ప్రజాసంగ్రామ పాదయాత్ర” గా పేరు ను ప్రకటించారు బీజేపీ ఎమ్మెల్యే రాజా సింగ్. చార్మినార్‌ భాగ్య లక్ష్మీ అమ్మవారి ఆలయం లో పూజల తర్వాత పేరు ఖరారు చేశారు ఎమ్మెల్యే రాజా సింగ్. ఈ సందర్భంగా ఎమ్మెల్యే రాజా సింగ్ మాట్లాడుతూ… ఈ నెల 24 నుండి బండి సంజయ్ పాదయాత్ర నిర్వహించనున్నట్లు పేర్కొన్నారు. చార్మినార్‌ భాగ్య లక్ష్మీ అమ్మా వారి దేవాలయం నుండే.. ఈ పాదయాత్ర ప్రారంభం కానున్నట్లు స్పష్పం చేశారు. తెలంగాణను అడ్డుకున్న ఓవైసీ చేతిలో కేసీఆర్ కారు స్టీరింగ్ పెట్టాడని.. సంతలో పశువులు, కుక్కలను కొన్నట్లు ఎమ్మెల్యేలను సీఎం కేసీఆర్ కొంటున్నాడని ఫైర్‌ అయ్యారు.
