టాలీవుడ్ చిత్ర పరిశ్రమలో ప్రిన్స్ మహేష్ బాబు కు ఉన్న క్రేజ్ మామూలుగా ఉండదు. ప్రిన్స్ మహేష్ బాబు… ఏజ్ పైబడిన ప్పటికీ… ఇప్పటికి కూడా టాలీవుడ్ యంగ్ హీరోలతో పోటీ పడుతున్నారు. పోటీ పడటమే కాకుండా… ఎన్నో మంచి సినిమాలను కూడా చేస్తున్నారు ప్రిన్స్ మహేష్. సినిమాలే కాకుండా చాలా కంపెనీలకు బ్రాండ్ అంబాసిడర్ గా కూడా వ్యవహరిస్తున్నారు ప్రిన్స్ మహేష్ బాబు.
ఇప్పటికే.. అభి బస్ యాప్, సంతూర్, థంబ్స్ అప్, లాయిడ్ ఎసిలు, పాన్ బహార్, హెల్త్ ఓకే టాబ్లెట్‌లు మొదలైన అనేక కంపెనిలకు బ్రాండ్ అంబాసిడర్ గా కూడా వ్యవహరించాడు. ఇక తాజాగా మరో పెద్ద కంపెనీ తో డీల్ కుదుర్చుకున్నాడు మహేష్ బాబు.
దేశం లోనే పెద్ద కంపెనీ అయిన “బిగ్ సి మొబైల్స్‌ ” కు బ్రాండ్ అంబాసిడర్ గా నియామకం అయ్యారు మహేష్ బాబు. దీని కోసం మహేష్ బాబు కు భారీ మొత్తం లోనే.. చెల్లించింది బిగ్ సి సంస్థ. కాగా ప్రస్తుతం మహేష్ బాబు.. సర్కారు వారి పాట షూట్ లో ఫుల్ బిజీ గా ఉన్నారు. ప్రస్తుతం ఈ సినిమా షూటింగ్ హైదరాబాద్‌లో జరుగుండగా.. యూరోప్ షెడ్యూల్‌తో మొత్తం షూట్ పూర్తవుతుంది.