కేంద్ర పాలిత ప్రాంతం దాద్రానగర్‌ హవేలీలో దారుణం చోటు చేసుకుంది. ఓ ప్రభుత్వం ఆస్పత్రి లో చికిత్స పొందుతున్న తల్లి వెంట ఉన్న 11 సంవత్సరాల బాలిక పై లైంగిక దాడికి పాల్పడ్డాడు ఓ దుర్మార్గుడు. అతడు ఎవరో కాదు… ఆ ఆస్పత్రి లో పనిచేసే సెక్యూరిటీ గార్డే. దమణ్‌ జిల్లాలోని మార్వాడ్‌ ప్రభుత్వ ఆస్పత్రి లో జనవరి 11 వ తేదీన ఈ అమానుష సంఘటన చోటు చేసుకుంది.
అక్కడ చికిత్స పొందుతున్న తన తల్లితో కలిసి బాలిక ఉందని అధికారులు చెప్పారు. చిన్నారికి తాగునీరు ఇచ్చే నెపంతో… ఆ ప్రభుత్వ ఆస్పత్రి లోని ఓ గదిలోకి తీసుకెళ్లి… బాలికపై లైంగిక దాడికి పాల్పడినట్లు అధికారులు స్పష్పం చేశారు. ఈ సంఘటన బయటపడిన అనంతరం ఆస్పత్రి నుంచి సెక్యూరిటీ గార్డు పారి పోయాడు. సమాచారం అందుకున్న పోలీసులు కేసు నమోదు చేసి.. నిందితుడి కోసం విస్తృతంగా గాలించారు. అయితే… నిన్న అర్ధరాత్రి నిందితున్ని పోలీసులు పట్టుకున్నారు.
