టాలీవుడ్‌ స్టార్‌ హీరో నందమూరి బాలయ్య ప్రస్తుతం వరుస సినిమాలతో ఫుల్ బిజీగా ఉన్న సంగతి తెలిసిందే. ఇటీవలే హీరో నందమూరి బాలయ్య, బోయపాటి శ్రీను కాంబినేషన్‌ లో వచ్చిన అఖండ సినిమా… బంపర్‌ విజయాన్ని అందుకుంది. ఈ నేపథ్యంలోనే… మరో బిగ్‌ ప్రాజెక్టు ను ఓకే చేశారు నందమూరి బాలయ్య. క్రాక్ మూవీతో ఫుల్ ఫామ్ లో ఉన్న… గోపీచంద్ మలినేని దర్శకత్వంలో బాలకృష్ణ తన 107 వ సినిమాను చేస్తున్నాడు.
ఈ సినిమా మైత్రి మూవీ మేకర్స్ బ్యానర్ పై తెరకెక్కుతోంది. అయితే ఈ సినిమాకు టైటిల్ పిక్స్ కాన ప్పటికీ.. హీరోయిన్ ను కూడా అనౌన్స్ చేసింది చిత్ర బృందం. ఈ సినిమాలో శృతిహాసన్ బాలయ్య సరసన నటిస్తోంది. అయితే తాజాగా ఈ సినిమా నుంచి మరో అప్ డేట్ వచ్చింది. ఈ సినిమా షూటింగ్ ఫస్ట్‌ సెషన్‌ మంత్రి కేటీఆర్ ఇలాక అయిన.. సిరిసిల్లాలో జరుగనుందట. అక్కడి పరిసర ప్రాంతాల్లో షూటింగ్ చేసేందుకు గోపిచంద్‌ ప్లాన్‌ చేశారు. ఈ నెల చివర్లో షూటింగ్ ప్రారంభంకానున్నట్లు తెలుస్తోంది.
