సినీ పరిశ్రమ సమస్యలపై నిన్న సినీరంగ ప్రముఖులు ఏపీ సీఎం జగన్ మోహన్ రెడ్డిని కలిసిన సంగతి తెలిసిందే. అయితే తాజాగా మంత్రి పేర్ని నాని హైదరాబాద్ లో నటుడు మోహన్ బాబును కలిశారు. నిన్న జరిగిన సమావేశానికి మోహన్ బాబు హాజరవ్వలేదు. కాగా సీఎం జగన్ తో జరిగిన సమావేశం గురించి.. ప్రస్తావించిన అంశాల గురించి మంత్రి పేర్ని నాని.. మోహన్ బాబుతో చర్చించారు. సమావేశంలో చర్చించిన అంశాలను మోహన్ బాబుకు వివరించారు.
సినిమా టికెట్ రేట్లు, సమస్యల గురించి గత కొన్ని నెలలుగా ప్రతిష్టంభన కొనసాగుతోంది. అయితే ఈ సమస్యలను పరిష్కరించేందుకు నిన్న సినీ ప్రముఖులు సీఎం జగన్ తో సమావేశం అయ్యారు. చిరంజీవితో పాటు మహేష్ బాబు, ప్రభాస్, రాజమౌళి, నారాయణ మూర్తి, అలీ, పోసాని ఈ సమావేశంలో పాల్గొన్నారు. త్వరలోనే టికెట్ ధరలపై జీవో రావచ్చని వారంతా అన్నారు. ఏపీలో టాలీవుడ్ పరిశ్రమను అభివ్రుద్ధి చేయాలని సీఎం కోరినట్లు వారు వివరించారు.
