ఉమెన్ క్రికెట్ లో సంచలనం… ఫాస్టెస్ట్ హాఫ్ సెంచరీ చేసి రికార్డ్ సృష్టించిన రిచా ఘోష్

మహిళా క్రికెట్ లో సంచలనం నమోదైంది. అత్యంత వేగంగా హాఫ్ సెంచరీ చేసిన ఇండియన్ బ్యాటర్ గా రిచా ఘోష్ రికార్డ్ క్రియేట్ చేసింది. న్యూజిలాండ్ తో న్యూజిలాండ్ వేదికగా జరిగిన నాలుగో వన్ డేలో ఈ రికార్డ్ క్రియేట్ చేసింది రిచా ఘోష్. 18 ఏళ్ల రిచా ఘోష్ కేవలం 26 బాల్స్ లోనే 50 పరుగులు చేసింది. టోటల్ గా 29 బంతుల్లో 52 పరుగులు చేసింది. ఇందులో నాలుగు సిక్సులు, నాలుగు ఫోర్లు ఉన్నాయి. అయితే ఈ మ్యాచ్ లో రిచా ఘోష్ చెలరేగి ఆడినా.. భారత్ కు విజయం దక్కలేదు. వర్షం కారణంగా కేవలం 20 ఓవర్ల మ్యాచుగా కుదించారు మొదట బ్యాటింగ్ చేసిన న్యూజిలాండ్ 20 ఓవర్లలో 5 వికెట్లు నష్టపోయి 191 పరుగులు చేసింది. భారత్ మాత్రం 128 పరుగులకే ఆల్ అవుట్ అయింది. కేవలం రిచా ఘోష్ తప్పితే పెద్దగా ఎవరూ ఆకట్టుకోలేదు. 4.4 ఓవర్లలో 19/4 స్కోర్ ఉన్నప్పుడు.. రిచా ఘోష్ అద్భుత ఇన్నింగ్స్ అడింది. అయితే తన ఇన్నింగ్స్ జట్టును విజయ తీరాలకు చేర్చలేకపోయింది.