మహిళలు ఆరోగ్యంపై శ్రద్ధ పెట్టాలి. ఆరోగ్యంగా ఉంటేనే ఏదైనా చేయగలము. ఈ మధ్య కాలంలో చాలా మంది అనారోగ్య సమస్యలతో ఇబ్బంది పడుతున్నారు. అలానే సమస్యలు లేకుండా ఉండాలంటే మినరల్స్, విటమిన్స్ మరియు యాంటీ ఆక్సిడెంట్లు సమృద్ధిగా ఉండేటట్టు చూసుకోవాలి.
ఆరోగ్యకరమైన ఆహారం తీసుకుంటే మహిళలు ఏ ఇబ్బంది లేకుండా ఉంటారు. అయితే ఈ రోజు మహిళలు తప్పకుండా తీసుకోవలసిన సూపర్ ఫుడ్స్ గురించి చూద్దాం. మరి ఎటువంటి ఆలస్యం లేకుండా దీని కోసం చూసేయండి.
ఉసిరి:
ఉసిరి ఆరోగ్యానికి ఎంత మేలు చేస్తుందో ప్రత్యేకంగా చెప్పక్కర్లేదు. మహిళలు ఉసిరిని తీసుకుంటే ఆరోగ్యంగా ఉండొచ్చు. ఉసిరిలో విటమిన్ సి మరియు మినరల్స్ ఎక్కువగా ఉంటాయి. అదే విధంగా ఐరన్ లోపం లేకుండా కూడా చూసుకుంటుంది. ఐరన్, క్యాల్షియం, విటమిన్ సి ని ఇది అందిస్తుంది.
డార్క్ చాక్లెట్స్:
మహిళలు డార్క్ చాక్లెట్స్ ని కూడా తీసుకుంటూ ఉండొచ్చు. దీన్ని తీసుకోవడం వల్ల నెర్వస్ సిస్టం లో బ్లడ్ ఫ్లో పెరుగుతుంది. అలానే గుండె సమస్యలు లేకుండా చూసుకుంటుంది.
తృణ ధాన్యాలు:
తృణధాన్యాలు వల్ల కూడా ఆరోగ్యం బాగుంటుంది. ఓట్స్, మిలెట్స్ వంటివి తీసుకుంటూ ఉండాలి. ఇందులో ఫైబర్ ఎక్కువగా ఉంటుంది. అలానే ఫ్యాట్స్ చాలా తక్కువగా ఉంటుంది.
వాల్ నట్స్:
వాల్ నట్స్ వల్ల ఆరోగ్యానికి చాలా మేలు చేస్తాయి. ఇందులో పోషక పదార్థాలు ఎక్కువగా ఉంటాయి. కొలెస్ట్రాల్ లెవెల్స్ తగ్గుతాయి. నిద్ర బాగా పడుతుంది అలాగే అనారోగ్య సమస్య కూడా వుండవు.
బీన్స్:
మహిళలు బీన్స్ ని కూడా ఎక్కువగా తీసుకుంటూ ఉండొచ్చు. షుగర్ లెవెల్స్ ను కంట్రోల్ చేస్తుంది. అలాగే కొవ్వు త్వరగా పేరుకుపోకుండా చేస్తుంది. ఈ సూపర్ ఫుడ్స్ ని మహిళలు తీసుకుంటే ఆరోగ్యంగా ఉండొచ్చు. వీటి వలన ఇబ్బంది లేకుండా ఉండొచ్చు.
