సౌత్ ఇండియన్ లేడీ సూపర్ స్టార్ గా గుర్తింపు తెచ్చుకున్న నయనతార ఇండస్ట్రీలోకి వచ్చి 20 సంవత్సరాలు పైనే అవుతున్నా అంతే ఇమేజ్ తో స్టార్ పొజిషన్ లో కొనసాగిస్తోంది. ఇక 2003 లో అయ్యా చిత్రం ద్వారా కథానాయకిగా ఇండస్ట్రీకి పరిచయమైన నయనతార.. ఆ తర్వాత తెలుగు, కన్నడ, మలయాళం భాషల్లో నటిస్తూ బహుభాషా నటిగా పేరు తెచ్చుకుంది. ప్రస్తుతం దక్షిణాదిలోనే అత్యధిక పారితోషకం తీసుకుంటున్న లేడీ సూపర్ స్టార్ సాయికి చేరుకుంది. ఇకపోతే ఇటీవల బాలీవుడ్ కి ఎంట్రీ ఇచ్చిన నయనతార తాను ప్రేమించిన ప్రముఖ దర్శకుడు విగ్నేష్ శివన్ ను పెళ్లి చేసుకుంది.
ఇప్పటివరకు తెలుగు, తమిళ్, మలయాళం, కన్నడ, హిందీ భాషల్లో కలుపుకొని 75 చిత్రాలు చేసిన నయనతార ప్రస్తుతం ఒక్కొక్క చిత్రానికి రూ.10 కోట్ల పారితోషకం తీసుకుంటున్నట్లు సమాచారం. ఇక తాజాగా అందుతున్న సమాచారం ప్రకారం.. నయనతార ఇండస్ట్రీలోకి వచ్చిన తర్వాత కూడబెట్టిన ఆస్తి విలువ అక్షరాల రూ. 170 కోట్లు. ఇక ఇది కేవలం ఆదాయ శాఖకు దాఖలు చేసిన లెక్కలు వివరాలు మాత్రమే. ఇక ఈమె సినిమాలలో నటిస్తూనే పలు వాణిజ్య సంస్థలకు బ్రాండ్ అంబాసిడర్ గా కూడా వ్యవహరిస్తోంది. ఒక్కో సంస్థ నుంచి రూ.5 కోట్ల పారితోషకం తీసుకుంటుంది. హైదరాబాదులో రెండు ఖరీదైన బంగ్లాలు, చెన్నైలో అధునాతన వసతులతో కూడిన 4 ఫ్లాట్లు, కేరళలో తన తల్లిదండ్రులను నివసిస్తున్న ఇల్లు అంతేకాదు పలు ప్రాంతాలలో దేశవ్యాప్తంగా నివాసాలు ఉన్నట్లు సమాచారం.
హైదరాబాదులో ఒక్కో ఫ్లాట్ రూ.15 కోట్లు విలువ చేస్తుందని సమాచారం. వివాహం అనంతరం బంజారాహిల్స్ లో కూడా నయనతార ఫ్లాట్ కొనుగోలు చేసింది . అంతేకాదు ఒక జట్ విమానాన్ని కూడా కొనుగోలు చేసి వ్యాపార రంగంలో కూడా నయనతార దూసుకుపోతోంది. ఇక డాక్టర్ వనిత రాజన్ తో కలిసి లిప్ బామ్ కంపెనీని ప్రారంభించింది. అంతేకాదు నిర్మాతగా కూడా మారబోతోంది నయనతార.
