రాజన్న సిరిసిల్ల జిల్లా ఎల్లారెడ్డిపేట మండలంలో ఫ్లెక్సీలు కలకలం సృష్టించాయి. రాష్ట్ర ఐటీ, పురపాలక శాఖల మంత్రి కేటీఆర్కు వ్యతిరేకంగా ఫ్లెక్సీలు వెలిశాయి. ఈ ఫ్లెక్సీల్లో పేర్కొన్న అంశాలు చూస్తుంటే వాటిని విద్యార్థులే కట్టారని అనిపిస్తోంది. ప్రస్తుతం ఈ బ్యానర్లు, ఫ్లెక్సీలు సోషల్ మీడియాలో వైరల్ అవుతున్నాయి.
ఎల్లారెడ్డిపేట మండలానికి డిగ్రీ కాలేజీ ఇస్తామని గతంలో కేటీఆర్ హామీ ఇచ్చారు. అయితే అది ఇప్పటివరకు నెరవేరలేదు. దీంతో కేటీఆర్కు వ్యతిరేకంగా ఫ్లెక్సీ కట్టారు. వచ్చే ఎన్నికల్లో బీఆర్ఎస్ బలపరిచిన అభ్యర్థిని, కేటీఆర్ను ఓడిస్తామని ఫ్లెక్సీలో రాశారు. టీఆర్ఎస్ పార్టీ బీఆర్ఎస్ అయిందని, ఇంటర్ చదివిన విద్యార్థులు డిగ్రీకి వెళ్లొద్దా అంటూ ప్రశ్నించారు.
