మెగాస్టార్ చిరంజీవి తాజాగా నటిస్తున్న చిత్రం వాల్తేరు వీరయ్య. ఈ సినిమాకు సంబంధించి ప్రీ రిలీజ్ ఈవెంట్ ను చాలా ఘనంగా నిర్వహించారు. వైజాగ్ లో చాలా గ్రాండ్గా చిత్రం యొక్క ప్రీ రిలీజ్ ఈవెంట్ జరగగా.. ఈ వేడుకలో మెగాస్టార్ చిరంజీవి మాట్లాడుతూ.. చిత్ర యూనిట్ పై ప్రశంసల వర్షం కురిపించారు.. ముందుగా డైరెక్టర్ బాబీ గురించి మాట్లాడుతూ.. తన అభిమాని అని, నిరంతరం కష్టపడే తత్వం ఉండడం వల్లే అతనికి సినిమా అవకాశం ఇచ్చినట్లు తెలిపారు. అంతేకాక ఇది మామూలు కమర్షియల్ సినిమా కాదు అని.. ఇదొక ఎమోషనల్ రోలర్ కోస్టర్ అంటూ చెప్పుకొచ్చారు..
అలాగే నిర్మాణ సంస్థ మైత్రి మూవీ మేకర్స్ పై కూడా ఆసక్తికర విషయాలు వెల్లడించారు. ఇలాంటి నిర్మాతలు ఇండస్ట్రీకి ఎంతో అవసరం అని తెలిపారు. అలాగే మాస్ మహారాజా రవితేజ ఈ చిత్రంలో కీలక పాత్ర పోషిస్తున్నాడు అని, శృతిహాసన్, కేథరిన్లు కూడా సినిమాకు హైలైట్ గా నిలుస్తారు అని తెలిపారు. అలాగే ప్రకాష్ రాజ్, జయసింహాల నటనపై కూడా ప్రశంసల వర్షం కురిపించారు. స్పీచ్ ముగిసిన తర్వాత చివర్లో తన చిరకాల కోరికను కూడా బయటపెట్టారు. వైజాగ్ అంటే తనకు చాలా ఇష్టమని ఇక్కడికి ఎప్పుడు వచ్చినా సరే భావోద్వేగానికి లోనవుతానని.. అందుకే ఎప్పటికైనా విశాఖలోనే స్థిరపడాలనేది తన చిరకాల కోరిక అని చిరంజీవి తెలిపారు.
అంతేకాదు ఇక్కడ స్థలం కూడా కొన్నానని… ఇక్కడే ఇల్లు కట్టుకొని ఉండాలని అనిపిస్తుంది అంటూ.. తన మనసులో మాట చెప్పుకొచ్చారు. చిరంజీవి ఎప్పటికైనా వైజాగ్ వాసిని అవుతానని.. ఇక్కడ ప్రశాంత వాతావరణం ప్రజల మనసులో ఎటువంటి కల్మషం ఉండదని.. అందరూ కలిసిమెలిసి ఉంటారు అని కూడా తెలిపారు చిరంజీవి.
