కేరళ కుట్టి సంయుక్త మీనన్ తాజాగా విరూపాక్ష సినిమాలో నటించింది. ఇటీవలే ట్రైలర్ విడుదలైన ఈ మూవీ ఏప్రిల్ 21న థియేటర్లలో సందడి చేయనుంది. ఇందులో భాగంగానే చిత్రబృందం ఏలూరులో ప్రీ రిలీజ్ ఈవెంట్ను ఏర్పాటు చేసింది. ఈ ఈవెంట్లో సంయుక్త ట్రెడిషనల్ ఔట్ఫిట్లో సందడి చేసింది.
గ్రీన్ కలర్ ఔట్ఫిట్లో కళ్లు చెదిరే అందంతో మెస్మరైజింగ్ స్మైల్తో అందర్నీ ఆకర్షించింది సంయుక్త. చూపుతిప్పుకోనివ్వని గ్లామర్తో ప్రీ రిలీజ్ ఈవెంట్లో సెంటర్ ఆఫ్ అట్రాక్షన్గా నిలిచింది. ఈ వేడుకలో సంయుక్తను చూసి కుర్రాళ్లు మరోసారి మనసు పారేసుకున్నారు. సంయుక్త చాలా క్యూట్గా ఉందంటూ కామెంట్లు చేస్తున్నారు.
ఇక సంయుక్త సినిమాల సంగతికి వస్తే భీమ్లా నాయక్ సినిమాతో టాలీవుడ్లో అరంగేట్రం చేసింది ఈ భామ. భీమ్లానాయక్ తర్వాత ఈ బ్యూటీ బింబిసారలో నటించింది. అది కూడా బాక్సాఫీస్ వద్ద బంపర్ హిట్ అవ్వడంతో ఈ భామకు వరుస అవకాశాలు వచ్చాయి. ఇటీవలే సార్ సినిమాతో బ్లాక్బస్టర్ హిట్ కొట్టిన సంయుక్త ఇప్పుడు విరూపాక్ష సినిమాతో మన ముందుకు వస్తోంది.
