కాంగ్రెస్ పార్టీ ఎంపీ కోమటిరెడ్డి వెంకట్‌ రెడ్డి ఇంటికి పీసీసీ చీఫ్ రేవంత్ రెడ్డి వెళ్లారు. కాంగ్రెస్ పార్టీలో చేరికలపై కోమటిరెడ్డితో రేవంత్ రెడ్డి మంతనాలు జరిపారు. ఆ తర్వాత జూపల్లి ఇంటికి వెళ్లనున్నారు రేవంత్, కోమటిరెడ్డి వెంకట్‌ రెడ్డి. ఈ సందర్భంగా రేవంత్ రెడ్డి మాట్లాడుతూ… కోమటిరెడ్డి, నేను కలిసి పనిచేస్తామని ప్రకటించారు.
చేరికలపై ఎలాంటి విభేదాలు లేవు.. కోమటిరెడ్డి, ఉత్తమ్, జానారెడ్డిని సంప్రదించకుండా చేరికలు ఏవీ జరగడం లేదని వివరించారు రేవంత్ రెడ్డి. ఆ ముగ్గురితో చర్చించాకే పార్టీలో చేర్చుకుంటాం.. చాలామంది కాంగ్రెస్ పార్టీలో చేరుతామంటున్నారన్నారు రేవంత్ రెడ్డి. రేవంత్ రెడ్డితో రోజూ మాట్లాడుతుంటాను.. కాంగ్రెస్ పార్టీ అధికారంలోకి రావడం ఖాయం.. అధికారంలోకి వచ్చాక కూడా కలిసే ఉంటామని చెప్పారు కోమటిరెడ్డి వెంకట్‌ రెడ్డి.
