నందమూరి బాలకృష్ణ.. ఆరు పదుల వయసులోనూ ఈ హీరో జోరు తగ్గడం లేదు. ఏడాదికి మూడు నాలుగు సినిమాలతో థియేటర్లలో మోత మోగిస్తున్నాడు. గత రెండేళ్ల నుంచి బాలయ్య పట్టినదంతా బంగారమే అవుతున్నట్లు.. ఈ హీరో తీస్తున్న ప్రతి సినిమా బ్లాక్ బస్టర్ హిట్ అవుతోంది. అఖండ, వీరసింహారెడ్డి విజయాలతో జోష్ మీదున్న బాలయ్య ఇప్పుడు దసరాకు భగవంత్ కేసరిగా ముందుకు రాబోతున్నాడు.
మరోవైపు బుల్లితెరపైనా తన అన్స్టాపబుల్ షోతో రచ్చ చేయబోతున్నాడు బాలయ్య. అక్టోబర్ 17వ తేదీన ఈ షో సీజన్-3 షురూ కాబోతోంది. అయితే ఈ సీజన్ తొలి ఎపిసోడ్ భగవంత్ కేసరి చిత్రబృందంతో ప్రారంభం కాబోతోంది. ఈ ఎపిసోడ్లో అయితే బాలయ్య కొత్త చిత్రం ‘భగవంత్ కేసరి’ టీమ్ సభ్యులు గెస్ట్లుగా హాజరయ్యారని ఆహా తెలిపింది. ఈ మేరకు ‘మరో సెన్సేషన్కు అంతా రెడీ. అన్స్టాపబుల్ లిమిటెడ్ ఎడిషన్ ప్రారంభం అవుతోంది ‘ అని ట్విటర్లో రాసుకొచ్చింది. ఈ ఎపిసోడ్ అక్టోబర్ 17 నుంచి స్ట్రీమింగ్ కానున్నట్లు ఆహా తెలిపింది. ఈ ఎపిసోడ్లో హీరోయిన్లు కాజల్, శ్రీలీల, డైరెక్టర్ అనిల్ రావిపూడితో పాటు మరికొంత మంది నటులు వచ్చే అవకాశం ఉన్నట్లు తెలిసింది.
