హాలీవుడ్ బ్లాక్బస్టర్ మూవీ ‘ఓపెన్హైమర్’ను థియేటర్లో మిస్ అయిన వాళ్లకు గుడ్ న్యస్. ఇప్పుడు ఈ సూపర్ హిట్ మూవీ ఓటీటీలోకి వచ్చేసింది. కిలియన్ మర్ఫీ ప్రధాన పాత్రలో నటించిన.. క్రిస్టఫర్‌ నోలన్‌ తెరకెక్కించిన ఈ సినిమా శాస్త్రవేత్త జె.రాబర్ట్ ఓపెన్హైమర్ జీవితం ఆధారంగా రూపొందించిన విషయం తెలిసిందే. ఈ చిత్రం ప్రపంచ వ్యాప్తంగా బ్లాక్బస్టర్ టాక్ సంపాదించుకుంది.
అయితే ఈ మూవీ ఓటీటీలోకి వచ్చేసింది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్ వీడియో వేదికగా ఇది అందుబాటులోకి వచ్చింది. అయితే ఇక్కడ ఓ చిన్న ట్విస్ట్. ఈ సినిమా ప్రైమ్లో ఫ్రీగా లేదు. ఈ మూవీని చూడాలంటే కాస్త మూల్యం చెల్లించుకోవాల్సింది. అదేనండి 149 రూపాయలు రెంట్ చెల్లించి ఈ సినిమాను వీక్షించొచ్చు.
అణు బాంబును కనుగొన్న శాస్త్రవేత్త జె.రాబర్ట్ ఓపెన్హైమర్ జీవితం ఆధారంగా చేసుకుని ‘ఓపెన్‌ హైమర్‌’ తెరకెక్కింది.. ఈ ఏడాది జులై 21న ప్రేక్షకుల ముందుకు వచ్చిన ఈసినిమా ప్రపంచవ్యాప్తంగా భారీ వసూళ్లు రాబట్టింది. 100 మిలియన్‌ డాలర్లతో దీనిని నిర్మించగా.. 950 మిలియన్‌ డాలర్లు వసూళ్లు చేసినట్లు సినీ విశ్లేషకుల అంచనా.
