సంక్రాంతి బరిలోకి కాస్త లేటుగా దిగాడు కింగ్ నాగార్జున. నా సామి రంగ అంటూ తన లేటెస్ట్ సినిమాతో ఇవాళ్టి నుంచి థియేటర్లలో సందడి చేస్తున్నాడు. ఈరోజు రిలీజ్ అయిన ఈ సినిమా పాజిటివ్ టాక్ను సొంతం చేసుకుంది. ఇప్పటికే మహేశ్ బాబు గుంటూరు కారం, వెంకటేశ్ సైంధవ్ సినిమాలు తేజ సజ్జ హనుమాన్ మూవీ దెబ్బకి ఔటయ్యాయి. మరి ఈ కింగ్ హనుమాన్ ముందు నిలబడతాడో లేదో చూడాలంటే ఇవాళ సాయంత్రం వరకు వేచి చూడాల్సిందే.
నాగార్జునతో పాటు ఈ మూవీలో అల్లరి నరేశ్, రాజ్ తరుణ్ కీలక పాత్రల్లో నటించారు. ప్రముఖ కొరియోగ్రాఫర్ విజయ్ బిన్ని దర్శకుడిగా తెరకెక్కించిన ఈ సినిమాలో నాగ్‌కు జోడీగా అమిగోస్ బ్యూటి ఆషికా రంగనాథ్ నటించింది. అయితే నా సామిరంగ ఓటీటీ డీల్, పార్టనర్ విషయాలు ఇప్పుడు నెట్టింట వైరల్ అవుతున్నాయి. ఈ మూవీ ఓటీటీ రైట్స్ను ప్రముఖ డిజిటల్ స్ట్రీమింగ్ సంస్థ డిస్నీ ప్లస్ హాట్ స్టార్ సొంతం చేసుకున్నట్లు సమాచారం. అయితే ఈ సినిమాను థియేటర్‌లో విడుదలైన 45 రోజుల తర్వాతే ఓటీటీలోకి విడుదల చేస్తారని టాక్. అంటే నా సామి రంగ వచ్చే నెల ఫిబ్రవరి చివరి వారంలో లేదా మార్చి నెలలో ఓటీటీలోకి వచ్చేస్తుందన్నమాట.
