కలల కనడం అందరం జీవితంలో చేసే కామన్‌ థింగ్‌.. కొన్ని కలలు మనకు పట్టలేని సంతోషాన్ని ఇస్తాయి. కొన్ని లేనిపోని టెన్షన్స్‌కు తీసుకొస్తాయి. కొందరు కలలు భవిష్యత్తులో జరగబోయే వాటికి సంకేతాలు అని అంటారు. కొందరు.. అదంతా ఏం ఉండదు. మీరు ఏ విషయం గురించి అయితే ఎక్కువ ఆలోచిస్తారో అవే కలలుగా వస్తాయి అంటారు. ఎవరి నమ్మకం వాళ్లది.. స్వప్నశాస్త్రం ప్రకారం… కలలో ఇవి కనిపిస్తే అది మీ మరణానికి సంకేతమట. నమ్మకపోయినా తెలుసుకోవడంలో తప్పులేదుగా..!
ఇవి కలలో కనిపించడం మంచిది
- దేవాలయాలు, విగ్రహాలు, భగవంతుని పూజించినట్లు కలలుగన్నట్లయితే భగవంతుని ఆశీస్సులు మీపై ఉంటాయని శుభసూచకం. కలలో ముద్దు, దేవదూతలు, వివాహిత పురుషులను చూడటం మీకు చాలా మంచి సంకేతం. మీ ఇంట్లో శుభకార్యాలు జరుగుతాయని అర్థం.
- మీకు కలలో పూలచెట్టు, ఉసిరిచెట్టు, కొబ్బరిచెట్టు, బిల్వపత్రం, తులసి మొదలైన దివ్య వృక్షాలు కనిపిస్తే జీవితంలో కష్టాలు తొలగి సుఖసంతోషాలు లభిస్తాయని అర్థం.
- మీ కలలో మీ తల్లిదండ్రులు, చిన్న పిల్లలు, గర్భిణులు , తెల్ల గుర్రం, ఏనుగులు వస్తే మీకు ఐశ్వర్యం కలుగుతుంది. వేద మంత్రాలు, భగవంతుని మంత్రం పఠిస్తున్నట్లు కలలుగన్నట్లయితే, మీకు సమాజంలో మంచి స్థానం, గౌరవం లభిస్తుందని అర్థం.
- మీరు గుర్రపు స్వారీ చేయాలని కలలు కన్నట్లయితే, మీ ముఖం అద్దంలో చూసుకోవడం, ఆకు-కాయలు తినడం, చంద్రుడిని చూడటం వంటివి మీ జీవితంలో సంతోషం, శాంతిని పొందుతాయని మీకు మంచి సంకేతం.
మరణానికి సంకేతం..
- తలకు నూనె రాసుకుంటున్నట్లు, నక్షత్రాలు భూమిపైకి రాలుతున్నట్లు కల వస్తే అది మరణ సంకేతంగా చెబుతారు.
- కాకులు, నక్కలు, చీమలు, పాములు కరిచినట్లు కల వస్తే అది మీకు ముల్లులాంటిది. మీకు పితృ దోషం ఉందని కూడా సూచిస్తుంది.
- మీరు ప్రమాదంలో, ఆసుపత్రిలో, రక్తంలో, ఆయుధంతో కొట్టబడినట్లు కలలో కనిపిస్తే, మీకు ఆరోగ్య సమస్యలు ఉండబోతున్నాయని సంకేతం.
- గుర్రం మీద నుండి పడిపోతున్నట్లు కలలు కనడం, ఇతరులు మీ జుట్టును కత్తిరించడం, మేఘాలు, జూదం, హిమపాతం, సూర్యాస్తమయం, సముద్రం, పిల్లి, అడవులు, వరదలు, కొండపై నుండి పడిపోవడం జీవితంలో సమస్యలను ఎదుర్కొనేందుకు సంకేతం. ఏదైనా చెడు కల వస్తే దేవుడిని జపించడం మంచిది. మరుసటి రోజు గుడికి వెళ్లి పూజ చేయాలి.
