ap mega dsc 2024: ఆంధ్రప్రదేశ్ రాష్ట్రంలోని నిరుద్యోగులకు బిగ్ అలర్ట్. రేపు భారీ నోటిఫికేషన్ ఆంధ్రప్రదేశ్ రాష్ట్రంలో విడుదల కాబోతుంది. ఈ మేరకు చంద్రబాబు నాయుడు ప్రభుత్వం అన్ని ఏర్పాట్లు చేస్తోంది. టెట్ ఫలితాలను వెల్లడించిన ఆంధ్రప్రదేశ్ రాష్ట్ర ప్రభుత్వం… బుధవారం రోజున అంటే రేపు… మెగా డీఎస్సీ నోటిఫికేషన్ విడుదల చేసేందుకు రంగం సిద్ధం చేసింది.
ఏకంగా 16,347 పోస్టులతో ఈ మెగా డీఎస్సీ నోటిఫికేషన్ ఉండే అవకాశాలు స్పష్టంగా కనిపిస్తున్నాయి. నెలరోజుల పాటు దరఖాస్తులకు అవకాశం ఇచ్చి.. ఆ తర్వాత పరీక్షలు నిర్వహించే ఛాన్స్ ఉంది. అంటే ఈ లెక్కన ఫిబ్రవరి 3 నుంచి మార్చి 4వ తేదీ మధ్యలో ఈ డీఎస్సీ పరీక్షలు నిర్వహించే ఛాన్స్ ఉన్నట్లు వార్తలు వస్తున్నాయి. ఒకరోజు కష్టంగా అలాగే మరొక రోజు ఈజీగా పేపర్ వచ్చిందని విమర్శలకు తావు లేకుండా… పారదర్శకంగా… డీఎస్సీ పరీక్షలు నిర్వహించాలని చంద్రబాబు సర్కార్ ఆదేశాలు జారీ చేసింది.
