జోగులాంబ గద్వాల జిల్లా కేంద్రంలో దొంగలు బీభత్సం సృష్టించారు. ఓల్డ్ హౌసింగ్ బోర్డు కాలనీలో ఒంటరిగా వెళ్తున్న మహిళ మెడలో నుంచి బంగారు గొలుసు చోరీ చేశారు.ఈ ఘటన శనివారం ఉదయం చోటు చేసుకుంది. బాధిత మహిళ శోభ భర్త నాగరాజు కథనం ప్రకారం..కార్తీక మాసం సందర్భంగా వేకువజామున సమీపంలోని అయ్యప్ప స్వామి ఆలయంలో పూజలు చేసి ఇంటికి వస్తుండగా..
అక్కడే మాటువేసిన చైన్ స్నాచర్లు శోభ అనే మహిళ మెడలోని మూడున్నర తులాల బంగారు గొలుసును అపహరించారు. బాధిత మహిళ గట్టిగా అరుస్తూ వారిని పట్టుకునే ప్రయత్నం చేయగా.. చైన్ స్నాచర్లు బండిపై స్పీడ్‌గా వెళ్లిపోయారని తెలిపారు. కాగా, ఈ ఘటనపై గద్వాల్ పట్టణ పోలీస్ స్టేషన్లో ఫిర్యాదు చేయగా.. కేసు నమోదు చేసుకుని దర్యాప్తు చేస్తున్నట్లు తెలిపారు.
