ఆన్ లైన్ లెర్నింగ్.. ప్రస్తుతం ఏది నేర్చుకోవాలన్నా ఈజీ అయిపోయింది. ప్రపంచంలోనే ఎన్నో రకాల కోర్సులను ఇంటి వద్ద నుండే నేర్చుకునే సౌలభ్యం కలిగింది. అయితే ఈ ప్రాసెస్ సరిగా లేకపోతే నేర్చుకున్నది తలకి ఎక్కదు. ఆన్ లైన్ లో ఏదైనా నేర్చుకునే వాళ్ళు కొన్ని విషయాల్లో జాగ్రత్తగా ఉండాలి.
ప్రశాంతమైన వాతావరణం:
ఆన్ లైన్‍లో నేర్చుకునేటప్పుడు ఇంట్లో ప్రశాంతమైన వాతావరణం ఉండాలి. మీరు ఇటుపక్క ల్యాప్ టాప్ ముందర వేసుకొని కూర్చుంటే అటుపక్కన ఇంట్లోని వాళ్ళు అరిస్తే మీరు ఏమీ నేర్చుకోలేరు. కాబట్టి మీకు ప్రత్యేకమైన స్పేస్ ఉండాలి.
సమయం చాలా ముఖ్యం:
సాధారణంగా క్లాసులో కూర్చోబెట్టి చెబితేనే అప్పుడప్పుడు తలకు ఎక్కదు. ఇక ఆన్ లైన్‍లో నేర్చుకునేటప్పుడు తలకు ఎక్కాలంటే ఏ సమయంలో నేర్చుకోవాలి అనేది చాలా ముఖ్యం. మీకు ఏ సమయంలో మూడ్ బాగుంటుంది, ఏ సమయంలో అయితే మీరు బాగా నేర్చుకోగలుగుతారు అనేది గుర్తించి ఆ సమయంలోనే ఆన్ లైన్ క్లాస్ వినండి.
సబ్జెక్టు తెలిసిన వాళ్లతో చర్చలు:
ఆన్ లైన్‍లో నేర్చుకునేటప్పుడు ముఖ్య సమస్య ఎక్కడ వస్తుందంటే.. సబ్జెక్టులో ఏదైనా సందేహం వస్తే కచ్చితంగా నేర్పించే వాళ్లనే అడగాలి. ఒకవేళ రికార్డ్ క్లాసెస్ వింటున్నట్లయితే దాని గురించి సబ్జెక్టు తెలిసిన వాళ్ళతో చర్చించాలి. ఇలా చర్చించాలంటే ఆ సబ్జెక్టు మీద ఆన్ లైన్‍లో ఉండే గ్రూపుల్లో జాయిన్ అవ్వాలి.
పొడొమోరో టెక్నిక్:
సిస్టమ్ ముందు గంటల తరబడి కూర్చోవడం మంచిది కాదు. దానివల్ల ఫోకస్ కుదురుగా ఉండదు. అందుకే పొమోడోరో టెక్నిక్ ఉపయోగించండి. 25 నిమిషాలు గట్టిగా ఫోకస్ చేసి 5నిమిషాల పాటు విశ్రాంతి తీసుకోండి. ఇది చాలా బాగా పనిచేస్తుంది.
