రోజు తీసుకునేటువంటి ఆహారం ఎప్పుడైతే ఆరోగ్యకరంగా ఉంటుందో, ఎటువంటి దీర్ఘకాలిక సమస్యలు రాకుండా ఉంటాయి. అయితే, సరైన ఆహారపు అలవాట్లు లేకపోవడం వలన ఎన్నో ప్రమాదకరమైన వ్యాధులను ఎదుర్కోవాల్సి వస్తుంది. ముఖ్యంగా క్యాన్సర్ వంటి వ్యాధులు రోజు రోజుకీ పెరిగిపోతున్నాయి. అయితే క్యాన్సర్ రాకుండా ఉండాలంటే ప్రతిరోజూ తీసుకునేటువంటి ఆహారం గురించి ఎంతో జాగ్రత్త వహించాలి. ఎప్పుడైతే ఆహారపు అలవాట్లు సరైన విధంగా ఉండవో, ఎన్నో క్యాన్సర్లు వచ్చే అవకాశాలు చాలా ఎక్కువగా ఉంటాయి. పైగా వీటిని నివారించడం కూడా ఎంతో కష్టం. కనుక క్యాన్సర్ బారిన పడకుండా ఉండాలంటే ఇటువంటి ఆహార పదార్థాలను ప్రతిరోజూ తీసుకుంటూ ఉండాలి.
తాజా పండ్లు, కూరగాయలు, గోధుమలు, జొన్నలు, పప్పు దినుసులు వంటివి తప్పకుండా తీసుకోవాలి. ఇలా ఆహారంలో విటమిన్లు, ఖనిజాలు, ఫైబర్ పుష్కలంగా ఉండే విధంగా చూసుకోవాలి. దీంతో క్యాన్సర్ వచ్చే ప్రమాదం తగ్గుతుంది. శరీరంలో ఎప్పుడైతే మంట తగ్గుతుందో, క్యాన్సర్ వంటి సమస్యలు రాకుండా ఉంటాయి. దీర్ఘకాలికంగా శరీరంలో మంట ఉండటం వలన డిఎన్ఏ దెబ్బతింటుంది మరియు క్యాన్సర్ వచ్చే ప్రమాదం ఎక్కువ అవుతుంది. కనుక ఒమేగా-3 ఫ్యాటీ యాసిడ్స్, యాంటీ ఆక్సిడెంట్లు ఉండేటువంటి ఆహార పదార్థాలను తప్పకుండా తీసుకోవాలి. క్యాన్సర్ వంటి ప్రమాదకరమైన వ్యాధులను రాకుండా ఉండాలంటే, పేగులో మంచి బ్యాక్టీరియా ఉండే విధంగా చూసుకోవాలి.
ఇలా చేయడం వలన రోగనిరోధక శక్తి పెరుగుతుంది. దీంతో, క్యాన్సర్ ను నివారించడం సులభం అవుతుంది. క్యాన్సర్ రాకుండా ఉండాలంటే ఆల్కహాల్‌ను అస్సలు తీసుకోకూడదు మరియు చక్కెర ఉండేటువంటి ఆహార పదార్థాలను వీలైనంత వరకు తగ్గించాలి. ఈ మధ్య కాలంలో చాలా శాతం మంది ప్రాసెస్ చేసినటువంటి ఆహార పదార్థాలను ఎక్కువగా తీసుకుంటున్నారు, కాన్సర్ వంటి వ్యాధులు రాకుండా ఉండాలంటే ఇటువంటి వాటిని తీసుకోకపోవడమే మేలు. కనుక రోజూ తీసుకునే ఆహారంలో ఈ మార్పులను చేసుకుని ప్రమాదకరమైన వ్యాధుల బారినపడకుండా ఆరోగ్యంగా ఉండండి.
