విక్టరీ వెంకటేష్ ఎఫ్-2 సినిమాతో సూపర్ హిట్ అందుకున్నారు. ఆ సినిమా వెంకటేష్ 73వ సినిమా అవడం విశేషం. ఇక త్వరలో మేనళ్లుడు నాగ చైతన్యతో వెంకీమామ సినిమా చేస్తున్నాడు వెంకీ. బాబి డైరక్షన్ లో వస్తున్న ఈ సినిమా కూడా వెంకీ మార్క్ ఎంటర్టైనర్ గా ఉంటుందని అంటున్నారు. ఇక ఇదిలాఉంటే వెంకటేష్ 75వ సినిమాకు భారీ ప్లానింగ్ ఉందట. ఈ సినిమా త్రివిక్రం డైరక్షన్ లో ఉంటుందని తెలుస్తుంది.
హారిక హాసిని వారు కొన్నాళ్లుగా వెంకటేష్ తో సినిమా చేయాలని చూస్తున్నా కుదరలేదు. ఫైనల్ గా వెంకీ 75వ సినిమా మాత్రం త్రివిక్రం, హారిక క్రియేషన్స్ సెట్ చేస్తున్నారట. ఈ సినిమా బడ్జెట్ కూడా భారీగా పెట్టాలని చూస్తున్నారట. 73 సినిమాల కెరియర్ లో వెంకటేష్ అశేష జన హృదయాలను గెలుచుకున్నారు. ఆయన కూడా ఇక నుండి సినిమాల వేగం పెంచి త్వరలోనే 100వ సినిమాకు రావాలని ఆకాంక్షిస్తున్నారు ఆడియెన్స్.
