టాలీవుడ్ ఇండస్ట్రీకి ఎటువంటి బ్యాక్ గ్రౌండ్ లేకుండా వచ్చి సక్సెస్ అయిన హీరో రవితేజ. సైడ్ క్యారెక్టర్స్ చేస్తూ తనకు వచ్చిన అవకాశాలను సద్వినియోగం చేసుకుంటూ ముందుకు సాగి మాస్ మహారాజాగా ఇండస్ట్రీలో తనకంటూ ప్రత్యేకమైన గుర్తింపు తెచ్చుకున్నారు. ఈ నేపథ్యంలోనే వరుసగా సినిమాలు చేసుకుంటూ ముందుకు సాగుతున్నారు రవితేజ.
ఇక రవితేజ.. తన మాస్ యాంగిల్‌ చూపించేందుకు “ధమాకా” సినిమాతో వస్తున్నారు. ఈ సినిమాకు ప్రసన్న కుమార్‌ బెజవాడ కథ, మాటలు అందిస్తున్నారు. బీమ్స్‌ సిసిరిలియో సంగీతాన్ని అందిస్తుండగా… కార్తీక్‌ ఘట్టమనేని కెమెరామెన్‌ గా వ్యవహరించనున్నారు.
ఇక ఈ సినిమాలో రవితేజ సరసన శ్రీలీల నటిస్తోంది. అయితే.. ఇవాళ ఈ సినిమా టీజర్ ను చిత్ర బృందం రిలీజ్ చేసింది.దీపావళి నేపథ్యంలో ఈ టీజర్ ను రిలీజ్ చేశారు. ఇక ఈ టీజర్ లో రవితేజ.. వెరీ పవర్‌ ఫుల్‌ మరియు మాస్ గా కనిపించాడు. అంతేకాదు.. ఓ మాఫియా డాన్‌ గా రవితేజ పాత్ర ఉన్నట్లు తెలుస్తోంది. కాగా, ఈ సినిమా డిసెంబర్‌ 23న రిలీజ్ కానుంది.
