బాలీవుడ్ హీరో సన్నీ డియోల్, అమీషా పటేల్ ప్ర‌ధాన పాత్రల్లో నటించిన గదర్-2 సినిమా బాక్సాఫీస్ వద్ద వసూళ్ల వర్షం కురిపిస్తోంది. 2001లో వచ్చిన ‘గదర్-ఏక్‌ ప్రేమ్‌ కథా’ చిత్రం బాక్సాఫీస్ వద్ద ఎంత సంచలనం సృష్టించిందో .. రెండు దశాబ్దాల తర్వాత ఆ సినిమాకు సీక్వెల్‌గా వచ్చిన గదర్-2 అంతకు మించి వసూళ్లు రాబడుతోంది.
1971 నాటి భారత్-పాక్ యుద్ధ సమయంలోని పరిస్థితుల ఆధారంగా తెరకెక్కిన ఈ సినిమా గ‌త శుక్ర‌వారం విడుదలై పాజిటీవ్‌ రెస్పాన్స్‌తో బాక్సాఫీస్ వద్ద దూసుకుపోతుంది. తాజాగా ఈ చిత్రం రూ.300 కోట్ల క్లబ్‌లో చేరింది. ఇప్పటివరకు మొత్తం రూ.305.13 కోట్లు కలెక్షన్స్‌ వచ్చినట్లు సినిమా మార్కెట్‌ వర్గాల సమాచారం. రానున్న వారం రోజుల్లో మరో కొత్త రికార్డును కూడా బద్దలు కొట్టనుంది. యాక్షన్‌ థ్రిల్లర్‌ నేపథ్యంలో తెరకెక్కిన ఈ సినిమాను అనిల్ శర్మ ద‌ర్శ‌క‌త్వం వ‌హించ‌గా.. కమల్ ముఖుత్‌తో కలిసి అనిల్ శర్మ సంయుక్తంగా నిర్మించారు.
300 NOT OUT… #Gadar2 continues to ROAR… Mass pockets are in an altogether different league… Also, the contribution from Tier 2 and Tier 3 sectors will set a new benchmark… Expect BIGGG JUMP on [second] Sat and Sun… [Week 2] Fri 20.50 cr. Total: ₹ 305.13 cr. #India biz.… pic.twitter.com/OMTP6Z4BJJ
— taran adarsh (@taran_adarsh) August 19, 2023
