పవర్స్టార్ పవన్ కల్యాణ్కు ‘గబ్బర్సింగ్’తో బిగ్గెస్ట్ బ్లాక్బస్టర్ అందించిన డైరెక్టర్ హరీశ్ శంకర్ ప్రస్తుతం మాస్మహారాజా రవితేజతో కలిసి మూడో సినిమా తీస్తున్నారు. ఇప్పటికే ఈ కాంబోలో షాక్, మిరపకాయ్ సినిమాలు వచ్చాయి. అందులో షాక్ అంతగా ప్రేక్షకులను ఆకట్టుకోలేదు. కానీ మిరపకాయ్ మాత్రం సూపర్ హిట్ అయింది. ఇక ఈ ఇద్దరి కాంబినేషన్‌లో తాజాగా ‘మిస్టర్ బచ్చన్’ మూవీ వస్తోంది. పీపుల్ మీడియా ఫ్యాక్టరీ నిర్మాణ సంస్థ బ్యానర్లో రూపుదిద్దుకుంటున్న ఈ చిత్రానికి సంబంధించి హరీశ్ శంకర్ ఓ లేటెస్ట్ అప్డేట్ ఇచ్చారు. ఈ సినిమా రెండో షెడ్యూల్ కూడా పూర్తయిందని ప్రకటించారు.
ఈ సందర్భంగా సోషల్ మీడియా వేదికగా హరీశ్ శంకర్ ఓ పోస్టు పెట్టారు. ఈ చిత్రం కోసం పని చేస్తున్న పలువురికి స్పెషల్గా థ్యాంక్స్ చెప్పారు. సినిమాటోగ్రాఫర్ అయనాంక్ బోస్కు ప్రత్యేక ధన్యవాదాలు తెలిపారు. మూవీ కోసం అహర్నిశలు కష్టపడుతున్న హీరో రవితేజకు మిలియన్ల కొద్దీ థ్యాంక్స్ అంటూ షూటింగ్ స్పాట్లో దిగిన ఓ ఫొటోను షేర్ చేశారు. ప్రస్తుతం ఈ పోస్టు వైరల్ అవుతోంది. హరీశ్ శంకర్ – రవితేజల మాస్ మేనియా మరోసారి చూడాలని ఉందంటూ నెటిజన్లు కామెంట్లు పెడుతున్నారు.
https://twitter.com/harish2you/status/1756501351327281548
