తాగుబోతుల సంఘానికి అధ్యక్షుడు కేసీఆర్ అని.. హాఫ్ కు, ఫుల్ కు అంబాసిడర్ అని సీఎం రేవంత్ రెడ్డి సంచలన వ్యాఖ్యలు వ్యాఖ్యలు చేశారు. హన్మకొండ ఆర్ట్స్ కాలేజీలో నిర్వహించిన విజయోత్సవ సభలో మాట్లాడారు సీఎం రేవంత్ రెడ్డి. కేసీఆర్ మీరు ఫాంహౌస్ లోనే ఉండండి.. వైన్ షాపు అతనికి చెబుతా.. కావాల్సినప్పుడల్లా సీసాలు అందిస్తడు అని ఆసక్తికర వ్యాఖ్యలు చేశారు. మీ ఇంట్లో నలుగురు పదవులు కోల్పోయారు తప్ప తెలంగాణ సమాజం ఏం కోల్పోలేదన్నారు.
రాష్ట్రానికి తాగుబోతుల సమూహంగా మార్చి.. ఊరూరా బెల్టు షాపులు తెరిపించి, మనుషులను మత్తులో ముంచి ఆలోచన చేయకుండా చేసి అధికారంలో కూర్చోవాలి అనుకున్నప్పుడు కానీ తెలంగాణ ప్రజలు దిమ్మ తిరిగే జవాబు ఇచ్చారన్నారు. తెలంగాణలోని ప్రముఖ క్రీడాకారులు ఒక్కో ఆటలో బ్రాండ్ అంబాసిడర్లు అయితే కేసీఆర్ మద్యానికి అంబాసిడర్ అన్నారు. కాళోజీ ఉంటే కేసీఆర్ ను రాష్ట్రం నుంచి తరిమేసే వారని మండిపడ్డారు రేవంత్ రెడ్డి. కేసీఆర్ అనే మొక్కను తెలంగాణలో మళ్లీ మొలవనివ్వనని ఛాలెంజ్ చేశారు. ఎవ్వరో ఇస్తే సీఎం కుర్చీ రాలేదని.. తొక్కుకుంటూ వచ్చానన్నారు సీఎం రేవంత్ రెడ్డి.
