అరవింద సమేత శాటిలైట్ రేటు.. రిలీజ్ తర్వాత సీను మారింది..!

త్రివిక్రం, ఎన్.టి.ఆర్ కాంబినేషన్ లో వచ్చిన అరవింద సమేత సినిమా అన్నిచోట్ల పాజిటివ్ టాక్ తెచ్చుకుంది. హారిక అండ్ హాసిని క్రియేషన్స్ బ్యానర్ లో వచ్చిన ఈ సినిమాలో పూజా హెగ్దె హీరోయిన్ గా నటించింది. ఇక ఈ సినిమా రిలీజ్ ముందు 20 కోట్ల శాటిలైట్ రేటు డిమాండ్ చేయగా రిలీజ్ తర్వాత ఇంకాస్త ఎక్కువ క్రేజ్ పెరిగింది. స్టార్ మా, జీ తెలుగు అరవింద సమేత శాటిలైట్ రైట్స్ కోసం పోటీ పడగా అందులో జీ తెలుగు 23.5 కోట్లతో ఈ సినిమా శాటిలైట్ హక్కులను పొందింది.

రిలీజ్ ముందు కన్నా రిలీజ్ తర్వాత సీన్ మొత్తం మారిపోయిందని చెప్పొచ్చు. ఇక ఎన్.టి.ఆర్ అరవింద సమేత సినిమాతో మరో హిట్ తన ఖాతాలో వేసుకున్నాడు. టెంపర్ నుండి అరవింద సమేత వరకు వరుస విజయాలతో దూసుకెళ్తున్నాడు ఎన్.టి.ఆర్. ఈ సినిమా మొదటి రోజే 30 కోట్ల షేర్ దాటేసి వీకెండ్ కల్లా 100 కోట్లు నికార్సైన హిట్ సినిమాగా నిలిచేలా కనిపిస్తుంది.