బాహుబలి తర్వాత రాజమౌళి చేస్తున్న మెగా నందమూరి మల్టీస్టారర్ సినిమాపై రోజుకో న్యూస్ వైరల్ అవుతుంది. డివివి దానయ్య నిర్మిస్తున్న ఈ సినిమా మొదట 150 కోట్ల బడ్జెట్ అనుకోగా ఇప్పుడు 300 కోట్లతో ఈ సినిమా తెరకెక్కుతుందని అంటున్నారు. తెలుగు, తమిళ, హింది భాషల్లో ఈ సినిమా రాబోతుంది.
రాం చరణ్, ఎన్.టి.ఆర్ కలిసి చేస్తున్న ఈ సినిమాలో సూపర్ స్టార్ మహేష్ కూడా భాగమవుతున్నాడట. ఏంటి కొంపదీసి మహేష్ కూడా ఈ సినిమాలో నటిస్తాడా అంటే ఆ అవకాశం లేదు కాని మహేష్ వాయిస్ ఓవర్ మాత్రం వాడేస్తారట. ట్రిపుల్ ఆర్ లో మహేష్ సినిమాపై మరింత అంచనాలు పెంచేసింది.
అక్టోబర్ నుండి మొదలవనున్న ఈ సినిమా 2020లో రిలీజ్ చేస్తారట. రాజమౌళి మహేష్ కాంబోలో ఇంతవరకు సినిమా రాలేదు. కొన్నాళ్లుగా వార్తల్లో ఉన్నా ఇద్దరు సినిమా చేయాలనే ఆలోచన ఉన్నా వీలు కుదరట్లేదు. మరి ట్రిపుల్ ఆర్ ఇంకెన్ని సర్ ప్రైజెస్ తీసుకొస్తుందో చూడాలి.
