ప్రముఖ కోలీవుడ్ డైరెక్టర్ మణిరత్నం డ్రీమ్ ప్రాజెక్టుగా తెరకెక్కిన చిత్రం పొన్నియిన్ సెల్వన్.. ఈ సినిమా మంచి విజయాన్ని సొంతం చేసుకుంది. అయితే ఇప్పుడు ఈ సినిమా సీక్వెల్ కూడా ఏప్రిల్ 28వ తేదీన పాన్ ఇండియా వైడ్ గా రిలీజ్ చేయబోతున్నారు.. తాజాగా ట్రైలర్ ఈవెంట్ నిర్వహించి PS -2 ట్రైలర్ ని లాంచ్ చేశారు. ఇక ఈ సినిమాలో కార్తీ , జయం రవి, విక్రమ్, ఐశ్వర్యారాయ్ , త్రిష, శోభిత , ఐశ్వర్య లక్ష్మి , జయరాం, ప్రకాష్ రాజ్ తదితరులు కీలక పాత్రలు పోషిస్తున్నారు.
తాజాగా ఈ సినిమా ట్రైలర్ లాంచ్ కి ఇందులో నటించిన నటీనటులతో పాటు పలువురు తమిళ సినీ ప్రముఖులు కూడా విచ్చేశారు. అంతే కాదు పొన్నియిన్ సెల్వన్ 1 సినిమా ప్రమోషన్స్ కి రజనీకాంత్, కమలహాసన్ వచ్చి మరి ఒక రేంజ్ లో ప్రమోట్ చేశారు. అయితే తాజాగా పొన్నియిన్ సెల్వన్ 2 సినిమా ట్రైలర్ లాంచ్ ఈవెంట్ కి కమలహాసన్ మాత్రమే ముఖ్య అతిథిగా వచ్చారు. ఇక ట్రైలర్లో అన్నీ యుద్ధాలు , ఒకరిపై ఒకరు పన్నాగాలు .. ఎత్తుకు పైఎత్తులు చూపించారు.
చనిపోయాడు అనుకున్న పొన్నియిన్ సెల్వన్ ఎలా బ్రతికి బయటకు వచ్చాడు. చోళులు వర్సెస్ పాండ్యుల కథ.. ఇలా మొదటి కథకు కొనసాగింపుగానే ఇది ఉండబోతున్నట్టు చూపించారు. ట్రైలర్ మొత్తం కూడా యుద్ధ సన్నివేశాలు ఎక్కువగా చూపించారు. పొన్నియిన్ సెల్వన్ 1 కి ఇది కొనసాగింపు కావడంతో అంత ఆసక్తికరంగా అనిపించే అంశాలు ఏవి కూడా ట్రైలర్ లో కనిపించడం లేదు. ట్రైలర్ తోనే మెప్పించ లేకపోయిన మణిరత్నం మరి సినిమాతో ఏ విధంగా ప్రేక్షకులను మెప్పిస్తాడో చూడాలి. మొత్తానికైతే ఈ సినిమా కోసం ఇంకా నెల రోజులు ఎదురు చూడాల్సిందే.
#PonniyinSelvan2 Trailer https://t.co/3rvfY5urgM via @YouTube
The epic conclusion is here with multiple twists and turns . Can’t wait #April28 #PS2Trailer 💥💥🔥
— Rajasekar (@sekartweets) March 29, 2023
