కొన్ని సినిమాలు థియేటర్లో రిలీజ్ అయినప్పుడు ప్రేక్షకులను అంతగా అలరించవు. కానీ కొన్నాళ్ల తర్వాత ఓటీటీ, టీవీల్లోకి వచ్చిన తర్వాత మాత్రం హిస్టరీ క్రియేట్ చేస్తుంటాయి. అలాంటి సినిమాల్లో ఖలేజా, వన్ నేనికొక్కడినే కూడా ఉన్నాయి. కానీ ఇలాంటి థియేటర్ డిజాస్టర్.. టీవీ సూపర్హిట్ సినిమాల్లో నెంబర్ వన్ ప్లేస్లో ఉండే ఓ సినిమా ఉంది. అదే ఆరెంజ్ మూవీ.
ఆరెంజ్ మూవీ థియేటర్లో రిలీజ్ అయి రామ్ చరణ్ కెరీర్లోనే డిజాస్టర్ సినిమాగా నిలిచిపోయింది. అంతేకాదు ఈ చిత్రాన్ని నిర్మించిన నాగబాబు అప్పులపాలై ఆస్తులమ్ముకునేలా చేసింది. కానీ టీవీల్లోకి వచ్చిన తర్వాత మాత్రం ఈ మూవీ ప్రేక్షకులను విపరీతంగా ఆకట్టుకుంది. పాటలు.. డైలాగులు.. ముఖ్యంగా జెనీలియా క్యూట్ నెస్.. లైఫ్ లాంగ్ ప్రేమ ఉండదనే కాన్సెప్ట్ యూత్ను చాలా అట్రాక్ట్ చేసింది.
అయితే టీవీల్లో ఈ సినిమాను వందల సార్లు చూసినా.. థియేటర్లో చూసుంటే బాగుండేదని చాలా మంది అనుకుంటూ ఉంటారు. అలాంటి వారికి గుడ్న్యూస్ చెప్పింది ఈ సినిమా టీమ్. ఆరెంజ్ సినిమాను రీ రిలీజ్ చేయనున్నట్లు తెలిపింది. మార్చి 27న ఆరెంజ్ రీ రిలీజ్కు రెడీ అంటూ చిత్రబృందం ప్రకటించింది.
