బాలీవుడ్ బాద్షా షారుక్ ఖాన్ నటించిన ‘పఠాన్’ సినిమా బాక్సాఫీస్ వద్ద కలెక్షన్ల సునామీ సృష్టిస్తోంది. విడుదలై 23 రోజులు అవుతున్నా.. కలెక్షన్ల జోరు ఇంకా కొనసాగుతోంది. దాదాపు ఐదేళ్ల తర్వాత వచ్చిన షారుక్ మూవీ ఇది. పఠాన్ మూవీ ఇప్పటి వరకు ప్రపంచ వ్యాప్తంగా రూ.976 కోట్ల గ్రాస్ సాధించిందని సినిమా నిర్మాణ సంస్థ యశ్ రాజ్ ఫిల్మ్స్ తెలిపింది.
సోషల్ మీడియా వేదికగా కలెక్షన్ల వివరాలు వెల్లడించింది. ఈ సినిమా 23 రోజుల్లో వరల్డ్ వైడ్గా రూ.976 కోట్ల గ్రాస్ సాధించిందని తెలిపింది. ఇండియాలో రూ.609 కోట్ల గ్రాస్.. రూ.505 కోట్ల నెట్ కలెక్షన్లు సాధించిందని పేర్కొంది. అలాగే ఓవర్సీస్లో కూడా పఠాన్ కలెక్షన్లు అదిరిపోయాయి. అక్కడ రూ.367 కోట్ల వసూళ్లు రాబట్టింది. ఓవర్సీస్ ‘బాహుబలి-2’ రూ. 510 కోట్లు సాధించింది. ఇప్పుడు ఈ సినిమా రికార్డును పఠాన్ బద్దలకొట్టనుందో లేదో వేచి చూడాలి.
