పవర్ స్టార్ పవన్ కళ్యాణ్ తాజాగా నటిస్తున్న చిత్రం బ్రో. తమిళ్ సినిమా వినోదయ సీతం రీమేక్ గా వస్తున్న ఈ సినిమా లో సాయిధరమ్ తేజ్ పవన్ కళ్యాణ్ ఇద్దరూ నటిస్తున్నారు. మొత్తానికి అయితే ఈ క్రేజీ కాంబో కోసం అభిమానులంతా చాలా ఎదురుచూస్తున్నారు. అయితే తాజాగా ఈ సినిమా కి బ్రో అనే టైటిల్ ని ఖరారు చేసినట్లు తాజాగా ఒక పోస్టర్ ను రిలీజ్ చేసిన విషయం తెలిసిందే. ఇకపోతే ఈ మూవీ మోషన్ పోస్టర్ రికార్డ్స్ సృష్టిస్తోంది. ఇప్పటికి లక్షల్లో వ్యూస్, లైక్ లు కూడా వచ్చాయి.
ఇకపోతే ఈ సినిమా లో పవన్ దేవుడిగా కనిపించనున్నారు.. ఇది వరకే పవన్ కళ్యాణ్ గోపాల గోపాల సినిమాలో పవన్ కళ్యాణ్ నటించిన విషయం తెలిసిందే. ఇకపోతే సముద్రఖని దర్శకత్వం వహిస్తున్న ఈ సినిమాకు త్రివిక్రమ్ స్క్రీన్ ప్లే అందించగా తెలుగు నేటివిటీకి తగ్గట్టుగా కథలో చాలా మార్పులు చేసినట్లు తెలుస్తోంది. తెలుగు ఆడియన్స్ కి కావలసిన ఎలివేషన్ తో పాటు మార్పులు కూడా ఈ సినిమాలో చేసినట్లు తెలుస్తోంది. ఇదిలా వుండగా తాజాగా ఈ సినిమా ఓటీటీ హక్కులకు సంబంధించిన ఒక వార్త నెట్టింట చాలా వైరల్ గా మారుతుంది
బ్రో ఓటిటి రైట్స్ ఇప్పుడు భారీ ధర కు అమ్ముడుపోయాయని తెలుస్తోంది. పవన్ కళ్యాణ్ బ్రో సినిమాను పీపుల్ మీడియా బ్యానర్ తో కలిసి జి స్టూడియోస్ వారు నిర్మిస్తున్న విషయం తెలిసిందే . ఈ సినిమా డిజిటల్ హక్కులను నెట్ ఫ్లిక్స్ వారు ఫాన్సీ ధరకు సొంతం చేసుకున్నట్లు సమాచారం. ఇకపోతే ఈ బ్రో సినిమా జూలై నెల థియేటర్లలో విడుదల కాబోతున్న విషయం అందరికీ తెలిసిందే.
