పాన్ ఇండియా స్టార్ ప్రభాస్ ప్రస్తుతం సినిమా షూటింగుల్లో బిజీ బిజీగా ఉన్నాడు. ఓవైపు ‘సలార్ పార్ట్‌ 1 సీజ్‌ఫైర్‌’.. మరోవైపు ‘కల్కి 2898 ఏడీ.. ఇంకోవైపు సందీప్ రెడ్డి వంగా దర్శకత్వంలో స్పిరిట్.. మారుతితో ‘రాజా డీలక్స్’ సినిమా చేస్తున్నాడు. ప్రస్తుతం సలార్, కల్కి సినిమా షూటింగులతో బిజీగా ఉన్నాడు. ఈ హీరో సోషల్ మీడియాలో అంతగా యాక్టివ్గా ఉండడు. ఇక కొద్ది రోజుల క్రితమే సినిమా ప్రమోషన్ల కోసం.. ఫ్యాన్స్తో టచ్లో ఉండటానికి ఇన్స్టాగ్రామ్లో అడుగుపెట్టాడు. అయితే తాజాగా ప్రభాస్ ఇన్ స్టా అకౌంట్ కనిపించడం లేదు.
ఇన్‌స్టాలో ప్రభాస్ పేరును సెర్చ్‌ చేస్తుంటే.. ‘ఈ పేజీ అందుబాటులో లేదు’ అనే అలర్ట్ కనిపిస్తోంది. ఇది చూసిన అభిమానులు ప్రభాస్ ఖాతా హ్యాకింగ్‌కు గురైందా.. లేదా డి-యాక్టివేట్‌ చేశారా అని నెటిజన్లు అయోమయంలో ఉన్నారు. ఈ విషయం పట్ల ఆయన అభిమానులు అసహనం వ్యక్తం చేస్తున్నారు. జులై నెలలో ఆయన ఫేస్‌బుక్‌ ఖాతా కూడా హ్యాక్‌కు గురైన సంగతి తెలిసిందే. ‘మనుషులు దురదృష్టవంతులు’ అంటూ ఆనాడు హ్యాకర్లు ఓ వీడియో షేర్‌ చేశారు.
