లెక్కల మాస్టర్ సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప-2 . ఈ సినిమాలో రష్మిక మందాన్న కథానాయికగా నటిస్తుంది. ఈ చిత్రానికి ఫేమస్ మ్యూజిక్ డైరెక్టర్ దేవిశ్రీప్రసాద్ సంగీతాన్ని అందిస్తున్నాడు.
అయితే లోక్సభ ఎన్నికలు ఏప్రిల్ లో ఉండడంతో యంగ్ టైగర్ ఎన్టీఆర్ నటిస్తున్న దేవర సినిమా ఆగస్టులో రిలీజ్ అవుతుందని, ఆగస్టులో రిలీజ్ అవ్వాల్సిన పుష్ప 2 నీ వాయిదా వేస్తున్నట్లు సోషల్ మీడియాలో ఒక వార్త వైరల్ గా మారింది.
ఈ తరుణంలో సుకుమార్ డైరెక్షన్ లో అల్లు అర్జున్, రష్మిక జంటగా నటిస్తున్న పుష్ప-2 సినిమా మరో 200 రోజుల్లో ప్రేక్షకుల ముందుకు రానుందని మేకర్స్ ఓ పోస్టర్ సోషల్ మీడియాలో పోస్ట్ చేశారు. ఈ ఏడాది ఆగస్టు 15న మూవీని రిలీజ్ చేయనున్నట్లు ఇప్పటికే ప్రకటించిన విషయం తెలిసిందే. ప్రస్తుతం షూటింగ్ శరవేగంగా సాగుతున్నట్లు మూవీ వర్గాలు వెల్లడించాయి. కాగా ఈ చిత్రంలో ఫహద్ ఫాజిల్, సునీల్, అనసూయ కీలకపాత్రల్లో నటిస్తున్నారు.
