గ్లోబల్ స్టార్ రామ్ చరణ్ హీరోగా కియారా అద్వానీ, అంజలి హీరోయిన్లుగా తమిళ దర్శకుడు శంకర్ తెరకెక్కిస్తున్న అవైటేడ్ మూవీ ‘గేమ్ ఛేంజర్’. ఇప్పటికే ఈ సినిమా పై మెగా అభిమానులు ఎంతో ఆశతో, ఆసక్తిగా ఎదురుచూస్తున్నారు. ఇటీవలే ఎన్టీఆర్ దేవర మూవీతో హిట్ కొట్టాడు. ఆర్ఆర్ఆర్ తరువాత రామ్ చరణ్ నుంచి రాబోతున్న సినిమా కావడంతో దేవర రికార్డులను బ్రేక్ చేయాలని మెగా అభిమానులు ఆశిస్తున్నారు.
దీపావళి పండుగకు రామ్ చరణ్ ‘గేమ్ ఛేంజర్’ మూవీ నుంచి టీజర్ విడుదల చేస్తున్నట్టు ప్రకటించారు. కానీ మేకర్స్ నవంబర్ 09న రిలీజ్ చేస్తున్నట్టు ప్రకటించేశారు. మరోవైపు ఈ టీజర్ లాంచ్ కి గ్రాండ్ ప్లాన్ చేస్తున్నట్టు టాక్ వినిపిస్తోంది. అందులో భాగంగానే ఈనెల 09న లక్నోలో ఈవెంట్ పెట్టి టీజర్ ని రిలీజ్ చేస్తున్నట్టుగా స్ట్రాంగ్ రూమర్స్ ప్రారంభమయ్యాయి. అఫీషియల్ గా మేకర్స్ చెప్పేయడంతో క్లారిటీ వచ్చేసింది. ఈ సినిమాకు థమన్ సంగీతం అందిస్తుండగా.. దిల్ రాజు నిర్మిస్తున్నారు. జనవరి 10న సంక్రాంతి పండుగకు విడుదల కాబోతుంది.
