టాలీవుడ్ ప్రొడ్యూసర్ అల్లు అరవింద్ రామాయణం సినిమాను తెరకెక్కించేందుకు ప్రయత్నిస్తున్న విషయం తెలిసిందే. బాలీవుడ్ డైరెక్టర్ నితేశ్ తివారీ దర్శకత్వంలో.. నితేశ్తో పాటు నిర్మాత మధు వంతెనతో కలిసి ఈయన ఈ ప్రాజెక్టు చేస్తున్నారు. అయితే తాజాగా ఈ సినిమాకు సంబంధించిన ఓ వార్త సోషల్‌ మీడియాలో సందడి చేస్తోంది.
ఈ సినిమాలో రాముడి పాత్రలో రణ్‌బీర్‌ కపూర్‌ను.. సీత పాత్ర కోసం ఆలియా భట్‌ను ఎంపిక చేసినట్లు సమాచారం. ఈ ఇద్దరికి లుక్ టెస్టు కూడా చేశారట. అయితే దర్శకుడు నితేశ్ తివారీతో అలియా భట్ కలిసి కనిపించడంతో ఈ వార్తలకు బలం చేకూరింది. గతంలో సీతగా సాయిపల్లవి కనిపించనుందని వార్తలు వినిపించాయి. కానీ, సడెన్‌గా తెరపైకి ఆలియా వచ్చేసింది. ఈ సినిమాలో రావణుడిగా కేజీయఫ్‌ హీరో యశ్‌ను ఓకే చేశారని కొన్ని మీడియాల్లో వార్తలు వస్తున్నాయి. అయితే, దీనికి సంబంధించి అధికారిక ప్రకటన కోసం సినీ ప్రియులు ఎదురు చూస్తున్నారు.
