సమంత – అక్కినేని నాగచైతన్య కలిసి నటించిన మొదటి చిత్రం ఏ మాయ చేసావే. ఈ సినిమా ఏ రేంజ్ లో విజయాన్ని అందుకుందో ప్రత్యేకంగా చెప్పనవసరం లేదు. అంతే కాదు ఈ సినిమాతోనే వీరిద్దరూ ప్రేమించుకొని ఆ తర్వాత వివాహం కూడా చేసుకున్నారు. అయితే ఈ సినిమా విడుదలై 12 సంవత్సరాలు పూర్తి చేసుకుంది. ఇకపోతే ఈ సినిమా తర్వాత వీరిద్దరూ కలిసి మరికొన్ని సినిమాలలో నటించారు. అలా వచ్చిన ఆటోనగర్ సూర్య , మనం, మజిలీ వంటి సినిమాలు వీరి ప్రేమకు మరింత బలాన్ని అందించాయి.
ఇకపోతే పెళ్లయిన నాలుగేళ్లకే ఈ జంట విడాకులు తీసుకొని అందరికీ షాక్ ఇచ్చింది. ఇప్పుడు తాజాగా వీరి హిట్ మూవీ ఏ మాయ చేసావే సినిమాకి ఇప్పుడు సీక్వెల్ వస్తుందన్న ప్రచారం జోరుగా సాగుతోంది. ఇందిరా ప్రొడక్షన్స్ పతాకంపై ఘట్టమనేని మంజుల నిర్మాతగా.. గౌతమ్ మేనన్ దర్శకత్వంలో వచ్చిన ప్రేమ కథ చిత్రం ఏ మాయ చేసావే. ఈ సినిమాకి సంగీత దర్శకుడు ఏ ఆర్ రెహమాన్ సంగీతం అందించారు. అప్పట్లో ఈ సినిమా పాటలు యువతను ఎంతగానో ఆకట్టుకున్నాయి. 2010 ఫిబ్రవరి 26న విడుదలైన ఈ సినిమా సంచలన విజయం సాధించింది. ఇప్పటికీ తెలుగులో వచ్చిన ప్రేమ కథ చిత్రాలలో ఇది కూడా ఒకటిగా నిలిచిపోయింది.
ఇకపోతే తాజాగా అందుతున్న సమాచారం ప్రకారం ఈ సినిమా సీక్వెల్ త్వరలోనే సెట్స్ పైకి వెళ్లనున్నట్లు సమాచారం. అయితే హీరో హీరోయిన్లు ఎవరు అనేది తెలియలేదు సమంత -నాగచైతన్య తో ఎలాగో డివోర్స్ తీసుకుంది కాబట్టి ఈ సినిమాలో నటించే ప్రసక్తి లేదని ఇండస్ట్రీ వర్గాల్లో వార్తలు వినిపిస్తున్నాయి. దీంతో ఇప్పుడు ఏ హీరోయిన్ నటించబోతోంది అనేది మిస్టరీగా మారింది. అయితే ఈ సీక్వెల్లో నాగచైతన్య సమంత నిజంగానే డివోర్స్ తీసుకున్నట్లు చూపించబోతున్నారట. అయితే మరొకవైపు రష్మిక మందన్న పేరు వెయిటింగ్ లిస్టులో ఉన్నట్లు సమాచారం.
