విశ్వ‌క్‌సేన్‌(Vishwak sen).. ఈయ‌న సొంతంగానే ఇండ‌స్ట్రీకి వ‌చ్చి గుర్తింపు తెచ్చుకున్నాడు. ఒకానొక స‌మ‌యంలో అవ‌కాశాలు రాక‌పోతే సొంతంగానే సినిమా తీసుకుని తానేంటో నిరూపించుకున్నాడు. ఇక ఆయ‌న మాస్ హిట్ అందుకున్న ఫ‌ల‌క్‌నుమా దాస్ ఎంత పెద్ద విజ‌యం సాధించిందో అంద‌రికీ తెలిసిందే. ఈ సినిమా వాస్త‌వానికి ‘అంగమలై డైరీస్’ అనే ఓ మలయాళ సినిమాకు రీమేక్ గా తెర‌కెక్కింది.
ఈ సినిమాకు సీక్వెల్ ఉంటుంద‌ని స‌క్సెస్ మీట్ లోనే విశ్వక్ సేన్ ప్ర‌క‌టించాడు. సీక్వెల్ తో మాత్రం భారీ క్యాస్టింగ్ తో దుమ్ములేపుతామ‌న్నాడు. ఇందుకోసం ప్రేక్ష‌కులు ఎప్ప‌టి నుంచో ఎదురు చూడగా.. రెండేళ్ల తర్వాత ఇప్పుడు ముహూర్తం ఫిక్స్ చేశాడు విశ్వ‌క్‌సేన్‌.
ఈ క్ర‌మంలో ఆ త్రోబాక్ సినిమాను తన ఇన్స్టాగ్రామ్ లో షేర్ చేశాడు విశ్వక్. ఫలక్ నుమా దాస్ 2 సినిమా కోసం త‌మ మూవీ టీమ్ త్వరలోనే క‌లిసి ప‌నిచేయ‌బోతోందంటూ తెలిపాడు. ఈ సారి మాత్రం తన కథతో ఫలక్ నుమా దాస్ 2 సినిమాను తెర‌కెక్కిస్తున్నాడ‌ని స‌మాచారం. ప్రస్తుతం స‌పాగల్‌ సినిమాలో విశ్వక్ న‌టిస్తున్నాడు. దీనిపై భారీగానే అంచ‌నాలు ఉన్నాయి.
