చిత్ర పరిశ్రమలో మరో విషాదం చోటుచేసుకుంది. ప్రముఖ సంగీత విద్వాంసుడు, సంతూర్ వాద్యకారుడు పండిట్ శివకుమార్ శర్మ కన్నుమూశారు. పండిట్ శివకుమార్ శర్మ మరణం వినోద పరిశ్రమను దిగ్భ్రాంతికి గురి చేసింది. అతని మరణం పట్ల విచారం వ్యక్తం చేశారు పలువురు సినీ ప్రముఖులు, సెలబ్రెటీలు. శివకుమార్ ప్రత్యేక శైలి కారణంగా భారతీయ సంగీతానికి అంతర్జాతీయ గుర్తింపు వచ్చింది.
ఆయన వినోద ప్రపంచానికి ముఖ్యమైన సహకారం అందించారు. బాలీవుడ్లో శివ్- హరి( శివ్ కుమార్ శర్మ..హరిప్రసాద్ చౌరాసియా) జంట అనేక హిట్ పాటలకు సంగీతం అందించారు. శ్రీదేవి పై చిత్రీకరించిన చాందిని చిత్రంలోని “మేరే హతోన్ మెన్ నౌ నౌ చూరియన్ ” పాటకు ఈ హిట్ జోడి సంగీతం అందించింది. నటి దుర్గా జస్ రాజ్ ఆయన మరణానికి సంతాపం తెలిపారు.
