మాటల మాంత్రికుడు త్రివిక్రం అరవింద సమేత తర్వాత స్టైలిష్ స్టార్ అల్లు అర్జున్ తో సినిమా ఫిక్స్ చేసుకున్నాడు. బన్నితో ఆల్రెడీ జులాయి, సన్నాఫ్ సత్యమూర్తి సినిమాలు హిట్ కొట్టిన త్రివిక్రం ఈసారి హ్యాట్రిక్ హిట్ కోసం ట్రై చేస్తున్నాడు. ఈ సినిమా కూడా తండ్రి కొడుకుల సెంటిమెంట్ కథతో వస్తుందని అంటున్నారు. ఫిబ్రవరి 14 వాలెంటైన్స్ డే నాడు ఈ సినిమా సెట్స్ మీదకు వెళ్లబోతుందట.
ఈ సినిమా పీ ప్రొడక్షన్ వర్క్ అంతా పూర్తి కాగా హీరోయిన్ విషయంలో ఇంకా ఓ క్లారిటీ రాలేదట. ముందు కియరా, కీర్తి సురేష్ లాంటి పేర్లు వినిపించినా ఫైనల్ గా ఈ ప్రాజెక్ట్ కు రష్మిక అయితే పర్ఫెక్ట్ అని ఫిక్స్ అయ్యారట. కన్నడ నుండి వచ్చిన రష్మిక తెలుగులో ఛలో సినిమాతో హిట్ కొట్టి ఆ తర్వాత గీతా గోవిందంతో బ్లాక్ బస్టర్ హీరోయిన్ అయ్యింది. దేవదాస్ సినిమాలో చేసినా ఆ సినిమాలో తన పోర్షన్ తక్కువ కాబట్టి ఆ సినిమా నిరాశపరచినా అమ్మడి కెరియర్ కు ఏమాత్రం ఎఫెక్ట్ చూపలేదు. ప్రస్తుతం విజయ్ దేవరకొండతో డియర్ కామ్రేడ్ సినిమా చేస్తున్న రష్మిక త్రివిక్రం, బన్ని సినిమాలో సెలెక్ట్ అయితే మాత్రం అమ్మడి క్రేజ్ మరింత పెరిగే అవకాశం ఉంది.
