నవీన్ పొలిశెట్టి.. ప్రజెంట్ టాలీవుడ్లో యూత్లో సూపర్ క్రేజ్ ఉన్న హీరో. ఈ యంగ్ హీరో.. తాజాగా మిస్ శెట్టి.. మిస్టర్ పొలిశెట్టి మూవీతో త్వరలో థియేటర్లలో సందడి చేయనున్నాడు. ఈ నేపథ్యంలోనే సినిమా ప్రమోషన్స్లో బిజీగా ఉన్నాడు. ప్రమోషన్స్లో నవీన్ రూట్ సపరేటు.. పెద్దపెద్ద ఆర్భాటాలు.. పెద్దపెద్ద వేదికలు.. గంటల తరబడి స్పీచ్లు ఇలాంటి ఊదరగొట్టుడు కథలేం ఉండవు. సింపుల్గా యూత్ మధ్యకు వెళ్తాడు. వాళ్లతో కబుర్లు చెబుతాడు. ఆ కబుర్లలోనే వాళ్లతో కలిసిపోయి తన సినిమా ప్రమోషన్స్ కానిచ్చేస్తుంటాడు. తాజాగా మిస్ శెట్టి.. మిస్టర్ పొలిశెట్టి సినిమా ప్రమోషన్స్ కూడా ఇలాగే సాగుతున్నాయి. ఈ ప్రమోషన్స్కు సంబంధించి ఓ క్యూట్ వీడియో నెట్టింట వైరల్ అవుతోంది.
‘మిస్ శెట్టి మిస్టర్ పొలిశెట్టి’ ప్రచారంలో భాగంగా కొన్ని రోజుల నుంచి ఆంధ్రప్రదేశ్‌లోని విజయవాడ, గుంటూరులో పర్యటించి.. ఇప్పటి వరకు చేసిన వాటిలో విజయవాడ టూర్‌ తనకు బాగా నచ్చిందని తెలియజేస్తూ అక్కడి దృశ్యాలను సోషల్‌ మీడియా వేదికగా పంచుకున్నారు. ఈ వీడియోలో.. నవీన్ తన అభిమానికి కుండ బిర్యానీ తినిపించడం. విజయవాడలోని ఓ స్ట్రీట్‌లో కారుపై కూర్చొని ఆయన బిర్యానీ తింటుండగా చాలామంది అభిమానులు ఆయనతో ఫొటోలు దిగేందుకు ఆసక్తి చూపారు. అక్కడున్న వారిని తోసుకుంటూ ముందుకొచ్చిన ఓ అభిమానికి నవీన్ తాను తింటున్న బిర్యానీ తినిపించారు. అనంతరం, బిర్యానీతో కూడిన కుండను చేతికందించారు. ఈ వీడియోకు నెటిజన్లు ఫిదా అవుతున్నారు.
This tour has been unbelievable. Vijayawada lo food street ki velli tinte Ila untunda ❤️ Bejawada antaru babu 🔥One of my fav moments of the trip so far. Eating with you guys. Thank you Vijayawada for this love ❤️#MissShettyMrPolishetty ni full ga enjoy cheyandi on Sep 7th :)… pic.twitter.com/RPqg0uHwzz
— Naveen Polishetty (@NaveenPolishety) August 27, 2023
